[A:584] /de rgyun lngar 'phel de'i kha dog kyang / /rnam lnga ldan pa 'ja' tshon lta bu byung / /mgon de'i phyag g.yas mthil du babs tsam gyis/ /skad cig de la dru bu lta bu yi/ /'od kyi gong bu gcig tu 'khyil ba las/ /phyogs bcur 'phro ba'i rnam pa can du gyur/ /'od phung de las slar yang 'od rnam lnga/ /rgyun chad med par 'phros pa de yi sna/ /phyag g.yon gnas pa'i glegs bam la thim pa'i/ /gzigs tshul zab yangs ngo mtshar de rnams byung / /e ma brda 'dis mtshon pa'i don mtha' dag /bdag 'dra byis pa'i blo yi yul las 'das/ /'on kyang phyogs tsam rtogs na 'ga' zhig la/ /don chen 'dren phyir cung zad 'di gson cig /de ltar gzigs pa'i bla ma lhar bcas la/ /mkhyen brtse nus pa nye ring ma mchis kyang / /rje btsun mchog la 'od zer spro ba sogs/ /las 'brel zab mo nye ba'i dbang gis te/ /sngon tshe 'khrul zad grags pa'i zhabs drung du/ /mgon 'di dbyil sgom tshul khrims rgyal por 'khrungs/ /lam 'di nos nas thos bsam sgom pas bzung / /smin grol mdzad de'i mtshon byed 'di lags so/ /'od dkar gcig las rim gyis gnyis dang lngar/ /'phel zhing 'phro ba'i tshul can brda 'di yis/ /spros bral dbyings la thabs shes rnam gnyis dang / /yon tan dbye bas ye shes rnam lngas mtshon/ /de rgyun 'dren pa'i phyag tu babs pa'i dbyibs/ /dru bu lta bur 'dril ba'i brda 'di yis/ /lam bzangs mchog 'di yan lag dang bcas kun/ /gcig tu 'dus pa'i mnga' bdag yin zhes ston/ /gong bu de las slar yang 'od kyi rgyun/ /phyogs bcur 'phro ba'i tshul can brda 'di yis/ /phyogs bcur gnas pa'i skal ldan ma lus pa/ /smin grol mchog la 'god ces legs par ston/ /'od de'i rgyun gyi rtse mo glegs bam la/ /thim pa'i rnam rol ngo mtshar brda 'di yis/ /srol bzang 'gro ba'i don du bskal pa'i mthar/ /mi nyams