[A:582]zhal bkod/ de'i zhabs su rje de'i gsung dang / rang gis gsal byed dang bcas pa 'di dkar chag gi tshul du 'bri bar mdzad pa'o/ /gnyis pa de'i don bshad pa ni/ gzung bde ba'i phyir tshigs su bcad pa 'di dag gis rtogs par bya ste/ ! rje skal ldan gyi 'dren mchog kun dga'i mtshan/ /gnas mgron lha g.yu thog tu phebs pa'i tshe/ /chos gsung ngag lam 'bras kyi bka' rgya de/ /dus de lo yan chod kyis thim par dgongs/ /sku drang ba'i phyag g.yas mchog sbyin tshul/ /g.yon mnyam gzhag glegs bam 'dzin bzhin du/ /ngas bshad pas chog gam mi chog snyam/ /thugs the tshom cung zad 'khrungs pa na/ /'phral de la gdams pa bdud rtsi'i rgyun/ /snod skal ldan rnams la bshad rung zhing / srol rmad byung yun rings gnas so zhes/ /brda don zab ston pa 'di ltar shar/ /dbyings spros pa kun bral nam mkha' la/ /'ja' kha dog lnga ldan gur khang na/ /dpal sgyu 'phrul dra ba'i rol pa mchog /don bla ma lhar bcas 'di dag gzigs /rje rnal 'byor dbang phyug sa skya pa/ /mtshan kun dga' snying por grags ldan de/ /g.yas mchog sbyin phyag rgyas dgos 'dod stsol/ /g.yon pad dkar 'dzin pas nyes kun sel/ /skuu zag med bde ba'i gzi mdangs gsal/ /thugs rab zhi las byung 'dzum zhal dang / /yongs 'gro la brtse ba'i gzigs stangs can/ /dpal mthong ba don yod de bzhugs so/ /mgon de'i g.yas bsod nams rtse mo'i mtshan/ /sku dar bab lang tsho'i gzi 'bar zhing / /phyag zab rgyas chos kun 'chad pa'i tshul/ /rje mkhas pa'i dbang po de bzhugs so/ /g.yon grags dkar rgyal mtshan 'dzin pa'i rje/ /phyag g.yas pa ye shes rdo rje bsgyings/ /g.yon stong nyid dril bu dkur brten pa'i/ /dpal grub pa'i gtsug rgyan de bzhugs so/ /g.yas 'og char thub bstan 'dzin pa'i gtso/ /phyi gnas lnga rig pa'i paNDi ta/ /nang ye shes lnga ldan 'jam pa'i dbyangs/ /chos gnas lnga 'chad