[A:516]'phags pa gshegs dus 'di'i 'phro gyis shig gsungs na'ang sta gon nas bskyar te tshar gcig mdzad/ de man la lo re la tshar re mdzad/ bla ma sangs rgyas rgyal mtshan la sogs pas grangs su btab nas brtsis pas so/ /yang sbyong rgyud las gsungs pa'i dkyil 'khor bcu gnyis dang bcas pa'i sgo nas dbang bskur grangs med pa mdzad/ gzhan yang rgyud sde bzhi dang 'brel ba'i zur bka' ni/ kye rdo rje lugs bzhi sogs rgya gar nas bod du 'gyur zhing bka' ma chad pa'i zur bka' rnam par dag pa bdun cu don brgyad tsam rgyun du ka mdzad pa bsam gyis mi khyab pa mdzad pas sngags kyi sdom pa gnang ba'i grangs kyang rje rin po che nyid las mang ba yod thabs ga la yod/ de lta bu'i dbang bskur ba de la spyir rgyud sde bzhi la dbang bskur gyi babs mi 'dra ba bzhi yod pa las nang gsel gyi dbye ba rgyud sde re re la yang mi 'dra ba mtha' yas shing / brgyud pa'i bka' srol gyi dbang gis dkyil 'khor re la yang dbang bskur gyi cho ga mi 'dra ba'i khyad par du ma yod pa rnams la/ dkyil 'khor gang du rgyud sde dang / brgyud pa gang gi lugs kyi dbang bskur mdzad kyang / lugs de la dgos shing bshad pa'i cho ga rnams tshig gcig kyang ma tshang ba med pa dang / lugs de la mi dgos shing ma bshad pa rnams tshig re la yang ma 'dres par shin tu dag par mdzad pas/ de lta bu'i dbang bskur ba re thob na yang rgyud sde nas bshad pa'i dbang mtshan nyid pa re thob pa yin pas shin tu don che'o/ /phyag len gyi rnam gzhag 'di gcig pus kyang bstan pa'i byi dor dang / bla ma gong ma'i dgongs pa legs par gsal bar byas pa yin no/ /de yang rdo rje phreng ba la sogs pa dang / zur bka'i rigs ji snyed yod pa rnams kyi dbang bskur dus nam mdzad dgos kyang de 'phral la thogs med du mdzad pas chog pa yin no/ /de ltar sdom pa gsum gyi sgo nas gdul bya so so'i rgyud tshod dang mthun pa'i tshul