[A:515]du bla ma sangs rgyas rgyal mtshan pa'i mnal lam du/ rong ngur smrig dang nye bar mtshan ma bzang po'i rmi lam du ngur smrig yol nas mkhar phugs ma sleb pa'i bar du/ gad 'khris cig tu bsdad pa'i tho rangs mi mang po ban bun 'dug pa'i nang nas gcig na re/ khyod rang gi bla ma 'di sa skya paNDi ta'i sprul pa yin/ de yin pa la the tshom med ces nan tan byed cing 'dug pa rmi/ de phyin chad mdzad spyod rnams legs par brtags pas skyon brjod du med par rtogs so/ /de nas rim gyis gdan sar phebs/ gdan sa'i dge 'dun rnams la mang ja/ 'bul pa/ gral 'gyed shar pa'i sku 'dra la gser chab/ na bza'/ sa bzang ba'i dus mchod la sgrub mchod/ tsha 'dren la sogs pa/ buddha ba la gser gyi me tog dang bcas te mjal ba rnams mdzad nas/ sku 'bum du sa skya pa yab sras kyi bka' 'bum la sogs pa'i lung dang / dbang bskur dang sems bskyed la sogs pa'i rang rang gi 'dod chos rnams gsungs la/ de nas gting khebs dang byang phug rnams su byon nas/ mkha' 'gro rgya mtsho dang / rdo rje mkha' 'gro la sogs pa'i dbang lung mang po gsungs shing / bla ma kun legs pas sngar yang thob mod/ thob pa tsam du zad 'dug /lam 'bras shes nas bsgom pa cig 'dod pa lags pas zab mo cig thugs la 'dogs par zhus te/ zhing rmod pa'i dus nas lo phyi ma gsar la khad kyi bar du gsungs / khong pa rang yang gzigs rtog slob gnyer dpe cha rnams bri ba la thugs rtsol chen po mdzad la gsung sgros rnams mchan dang zin bris su bri yin 'dug go /lam 'bras tshar gcig la de las yun ring ba dang / dbang byin rlabs/ lung bshad pa/ gdams ngag phra mo dang bcas pa rgyas shing tshang ba gnang ba ma mthong ngo / /rdo rje phreng ba kr-i ya sa mutstsha dang bcas pa yang sa bzang