[A:469]du 'byon pa mnyam po byed dgos pa yun ring po byung ba dang / phyis dgung lo mthon por phebs kyang / dge 'dun brgya phrag mang po la/ rgyu dus kyi dbang zla ba re tsam nyin re zhing sbrel nas mdzad dgos pa byung ba na/ sta gon gyi dpung skud 'ching ba tsam yang bzhengs nas mdzad pa sku lus kyi mi lcogs par/ dbang ma'i sngon du bzhugs nas mdzad dgos pa yang lo du ma mdzad cing / de ltar sku lus la shed cung zad kyang med na'ang gsung chos 'chad pa dang / dbang bskur ba la sogs pa/ sku lus gso thabs med pa'i 'or dum lhung gi bar du cung zad tsam bzhugs pa yang thugs kyis ma bzod par mdzad pas sku gzugs kyi ye ma lcogs pa na/ shing mo phag gi smal po'i tshes bco lnga nas sku mtshams mdzad de me pho byi ba'i sa ga'i nyer lnga'i bar du bzhugs pa la/ 'phral gyi rkyen sngar gyi bsnyung gzhi bad kan skya rbab kyi rnam pa cig yod pa des byas pa lta bur snang ba de la sku rim dang gsol sman sogs ci bsgrubs kyang sku skyed cig kyang ma byung ba ni/ de la spyir yar lungs su phebs pa des sku tshe la bar chad cung zad cig byung 'dug gsungs na'ang / sku lus thang na yod na de lta bu'i bsnyung rkyen dang / sku tshe'i bar chad la sogs pas skyon can du 'gro ba mi 'dug na'ang / sku gzugs la shed med pa kho na 'dug ste/ sku mtshams mdzad nas bzhugs pa'i dus thams cad du/ sku la shed med pa ma gtogs pa bsnyung zug gi rigs ci yang med ces gsungs pas so/ /de dag gi skabs su nam mkha' la 'ja'i bye brag sna tshogs ni rgyun du byung zhing / khyad par sa ga zla ba'i tshes bcu bzhi dang bco lnga la 'ja' kha dog dang dbyibs sna tshogs pa bsam gyis mi khyab pa byung bas skye bo phal cher chos rje ngor pa tshes bcu bzhi'am bco lnga gang rung la bde bar gshegs so zhes sgrogs pa byung ngo / /nang du yang mnal lam la sogs par dag pa'i snang ba'i gzigs snang sna tshogs byung bar snang ste/ nub gcig mnal lam