[A:446] bka' gdams lam rim gyi khrid rgyas pa/ blo sbyong don bdun ma/ dbu ma rtsa she /'grel pa tshigs gsal gyi steng nas bshad pa/ rig pa drug cu pa dang / rgyud gnyis kyi TI ka chos rje nyid kyis mdzad pa'i steng nas bshad pa/ so sor thar pa'i mdo/ tshul khrims yang dag par ldan pa'i mdo la sogs pa gsung rab spyi'i go ba la thugs skyed chen po dang / 'dul ba'i phyag len yang legs par mkhyen pas thugs legs par dges pa dang / bla ma la dad gus chen po skyes so/ /de'i nub gcig mnal lam na/ gzugs 'di ltar yin gyi nges pa med pa'i sgra zhig la/ bla ma kun dga' bzang po lam 'bras zhu na 'di na yar byon zer ba zhig byung bas/ der byon pas ri bor zhig na/ dang ra sgo byang bstan rtsig pa khrol le ba byas pa/ nang na yar rdo khrob se byas pa cig gi nang na/ khang pa sgo shar bstan cig 'dug pa'i skas shig la 'dzegs byon pas/ skas mgo na dge bshes sha rtsi smug se ba cig gis spos sna byas gdan drangs byon pas/ mtshams shig gi kha lhor bstan zhig na/ bla ma sku bgres se ba ber thul 'dra ba bsnams pa cig dang mjal ba rmis so/ /de nas yang sa skyar phebs nas gsung ngag gsan par bzhed pa la/ chos rje dpal ldan tshul khrims pa la mnga' ba'i gsung ngag gi skor yongs su rdzogs par gsan pa/ chos rje ye shes rgyal mtshan pa ni bde bar gshegs/ mi nyag gi ston pa rin chen rdo rje zhes bya ba zhig yod pa ni mdo khams su gshegs pas da su drag snyam du dgongs pa na/ sngar chos rje dpal ldan pa'i gsung cig la/ lam 'bras bu dang bcas pa'i man ngag gi rtsad gcod pa la/ slob dpon chen po ye shes rgyal mtshan pas kyang / slob dpon buddha shrI ngos kyang mkhas pa cig 'dug gsungs pa snyan na bzhugs pa dang / bla ma dam pa dpal ldan pa bde bar gshegs pa la nye ba de'i tshe lam 'bras ma rdzogs pa'i dge bshes cig la/ lam 'bras kyi 'phro rnams slob dpon chen po ye