[A:424]ston mo tshul bzhin rdzogs par mdzad do/ /de nas khro phu lo tsA ba'i smon lam le bzhi ma rnams 'don no/ /de nas dkon mchog gi spyan sngar phyag mchod rgyas pa mdzad nas sgom khang du zhugs te/ kye rdo rje'i phyi nang gi bskyed rim bsdus pa/ lam dus su dbang blang ba'i cho ga rnams sngon du btang nas/ rlung sbyor dang gtum mo'i dmigs pa gang rung re kha spo nas bsgoms pas bde drod dang / de la brten nas lta ba rnam par dag pa thugs rgyud la 'khrungs shing / de la yun ring du 'jog pa sogs kyi sgo nas nam phyed kyi bar du dus 'da' nas mthar 'khrul 'khor dang lus sbyong mang du mdzad de nyal ba'i rnal 'byor la gnas par mdzad do/ /de ltar sku tshe khor yug tu thugs dam 'ba' zhig gis dus 'da' zhing / thun bar la gdul bya skal ldan 'ga' la man ngag zab mo rnams ting nge 'dzin skyes khrid kyi tshul gyis gtan la 'bebs pa sogs sku tshe rang pa bshad sgrub kyis dus 'da' ba zhig go /de dag gi bar skabs su man ngag zab mo yi ger bkod pa yang 'ga' zhig yod de/ 'gro mgon chos kyi rje la gsol ba gdab pa/ bla ma dam pa dpal ldan tshul khrims pa la gsol ba gdab pa/ mkhan chen shes rab rgya mtsho ba'i gdung mchod dus kyi gsol 'debs/ bla ma dam pa dpal ldan tshul khrims kyi rnam thar/ gsung ngag rin po che'i khrid yig lam 'bras gzhung bshad dang gegs sel gyi zin bris/ 'chi ltas brtag pa'i gdams ngag tshigs bcad ma/ grub chen bcu dang phra mo brgyad kyi zhal shes/ phrin las so gnyis kyi sdom tshig /sbyor drug gi khrid yig sron lugs kyi rlung sbyor sogs kyi zin bris/ dbang rgyal lugs kyi sbyor drug gi zhal shes yi ger bkod pa/ khrid zhu spyi la gdams pa/ tshe sgrub kyi man ngag /dbu ma'i gzhi lam 'bras gsum rnams mdzad do/ /dgung lo bdun cu don gcig pa byi ba'i lo nag pa zla ba la bdag gis rje nyid kyi drung du sleb ste/ de dus sgom chen pa cig gis blo sbyong zhus/ don dam byang chub kyi sems kyi skabs su zhi gnas bsgom du bcug pas rnam rtog khegs ma nus pa cig byung ba la bsam gtan gyi bag