[A:409]rdzogs rim gyi man ngag mang po gnang / thugs rjes shin tu 'dzin par byung gsungs/ de nas yang skabs shig la shangs kyi dkar po brag pa mkhas grub rin chen seng ge'i drung du byon te/ lo gsum gyi bar du bzhugs nas mkhas grub rin chen seng ge pas chos rje nyan chen pa'i drung du gsan pa'i gsung ngag rin po che'i bka' lung man ngag dang bcas pa yongs su rdzogs par gsan cing / bla ma yang shin tu mnyes shing thugs la 'dogs par byung gsung / yang skabs shin tu chos rje ba lung pa las ni gu chos drug sogs shangs pa bka' rgyud kyi chos skor yongs su rdzogs pa gsan pas thugs dam bzang po 'khrungs/ bla ma'i gsung gis do nub rmi lam zung la/ nged kyi gzims khang gi nang ya gi ltos dang gsungs/ rmi lam bzung nas bltas pas gzims khang gi nang zhal ba dmar po byas pa dbyibs dang chags tshul 'di 'dra cig gda' zhus pas/ skor re 'dug gis gsungs nas bla ma yang mnyes/ mkhas grub chos rje'i thugs dam mgon po'i gtor dbang mdzad dus gtor ma la 'dzug pa'i mgon po'i thang sku chung ngu byin rlabs can cig yod pa yang gnang ngo / /dgung lo nyer drug pa khyi lo la/ chos rje dpal ldan bla ma dam pa'i drung du byon te/ de nas bzung ste/ chos rje bde bar ma gshegs kyi bar lo bcu bdun gyi bar du chag phyir 'brangs te/ chos rje la mnga' ba'i bka' lung man ngag yongs su rdzogs par gsan pa ni/ gsung ngag rin po che lam 'bras bu dang bcas pa'i bka' lung man ngag rnams ma lus par gsan te/ nyams len dang / lag len dang / yig cha'i lung phran tshegs mthar thug pa yang ma lus par gsan cing thugs su chud par mdzad pa yin no/ /gzhan yang lam skor lhag ma rnams kyi khrid dang byin rlabs dpe lung gi bar du yongs su rdzogs par gsan no/ /gzhan yang sa skya pa'i lugs kyi dbang dang byin rlabs rjes gnang man ngag phra mo dang bcas