[A:395]dga' ba de'i mthun phyogs kho na mdzad de/ gzhan gyi 'dod pa sgrub pa'i gegs rnam pa thams cad du mi mdzad par snang zhing / gzhan la phan pa dang bde ba 'ba' zhig ci nus su sgrub par mdzad de/ tha na skye bo dman pa sprang po cig gi lam du mig na ba la sogs pas kyang zhus na de'i mdun du bzhugs te/ ljags chab bam/ gdams ngag sman sbyor la sogs pa thabs ji ltar mnga' bas phan 'dogs shing pha mas bu la bya ba bzhin mdzad pa 'di ni kun gyis mthun snang du grub pa'o/ /gzhan yang bdag pas gzhan gces par 'dzin pa'i byang chub kyi sems mnga' ba ste/ dpal ldan sa skya pa'i gdung rabs rtsod med bod shing sgo can gyi bdag po 'phags pa rin po che'i gzhi thog gi gdan sar mnga' phul te/ gu shrI'i mtshan dang / dam kha la sogs gong nas 'ja' sa dang / gnang sbyin yang yang byung / gdung brgyud thams cad kyi gtso bor gyur pa yin pas/ 'chad nyan la sogs pa'i bstan pa'i bya ba dang / sde dang rgyal khams chos bzhin du skyong ba la sogs pa'i thugs kyi go cha chen po bgos na yang / zhal ngo gdung brgyud mang bas/ rang rang so so nas sa skya'i bdag po bya bar 'dod pas/ sa skyar bzhugs tsa na sku bsod dang mnga' thang la mi 'cham pas/ so so nas 'khrug long dang rang gzhan thams cad chags sdang mi dge ba stobs chen 'phel ba'i rnam 'gyur mang po gzigs nas/ rang gi 'jig rten 'di'i 'khor longs spyod gog pa dang / mnga' thang bde skyid thams cad la gces par 'dzin pa/ 'jig rten chags sdang gi khyu nas bud de/ gzhan ji ltar 'dod pa bzhin byed du 'jug pa de nyid chos dang mthun par dgongs nas gzhan ci dgar bcug cing dga' mgur mdzad de/ rang nyid dgas kong la sogs pa gzhan la gnod par mi 'gyur ba'i gnas/ bdag g.yeng ba med pa rnams su 'jig rten gyi bya ba thams