[A:396]cad dor nas/ sems can gyi don du bstan pa rin po che'i khur bsnams te/ de yang phyogs ris kyi sde skyong ba dang / longs spyod mnga' thang la mi 'cham pa'i sgo nas sde 'khrug dang / rgyal khams kyi yo byus yin zer nas g.yo sgyu khram gsum gyi mi dge ba du mas rang gzhan thams cad phung zhing mi dge ba 'phel ba'i bya ba byed pa rnams sems can gyi don dang bstan pa'i zhabs tog byed pa ma yin te/ gzhan chos la 'jug pa la rang chos bzhin byed dgos pas/ rang chos bzhin byed pa ni bslab pa gsum la nan tan byed pa de nyid sangs rgyas kyi bstan pa 'dzin pa dang / sems can gyi don yin gsungs nas chos rje nyid kyang sangs rgyas kyi bstan pa dang sems can la dgongs nas sngon gyi mkhas grub rnams kyi tshul la zhugs te/ gsung rab las ji skad bshad pa bzhin bslab pa gsum la nan tan du sgrub pa lhur len cing chos bzhin du mdzad do/ /tha na phu gsum byang gi khang stong cig tu zhag sa cig mdzad pas/ de'i yul pa rnams kyis ngo ma shes nas/ mi med kyi khang par sdod pa zer nas/ drung skor rnams la brdeg 'tshog byas/ spyad pa mang po khyer yang rje ba nyid kyis bar mdzad de/ bza' rgyu dang la la khyed khyer la mi mkho ba rnams nged la gtod gsungs pa dang / drung skor rnams 'di pa la len byed zer bas/ rje'i zhal nas 'o cag la 'di ka 'dra byung ba'i lang su la yang ye ma zer cig /ma gcig pas gsan na 'di pa lan 'don no zhes gzhan la gnod pa byung gis dogs pa'i dam bzhag cher mdzad do/ /de la sogs te bdag pas gzhan gces par 'dzin pas rang nyid kyis 'jig rten gyi bya ba rnams la ches cher mi 'dzin cing / gzhan gyi 'dod pa gang zhus kyang de'i mi ngo bzlog par gzhan ji ltar 'dod pa bzhin byed du 'jug pa ste/ gzhis ka bzang po dang phyag rdzas kyi dngos po bzang zhing bsam gyis mi khyab pa rnams gnyer ba la sogs pas rang dgar longs spyod pas mi