[A:༤༥ན] གཤེགས་པའི་གསུང་རབ་དང་། རྒྱ་བོད་ཀྱི་མཁས་པའི་བསྟན་བཅོས་མང་པོ་ལ་གཟིགས་ཤིང་། ཁྱད་པར་ས་སྐྱ་པ་ཡབ་སྲས་ཀྱི་གསུང་རབ་ལ་ཤིན་ཏུ་མོས་པར་མཛད་པས། མངོན་སུམ་དུ་མེས་པོ་ཡིན་ཟེར་བའི་མི་མདོག་ནག་པ་སྨ་ར་དང་ཐོར་ཅོག་དཀར་པོ་ཡོད་པའི་རྐང་དུང་བཟུང་བ་ཞིག་གིས་གཏོར་ཟན་སྐམ་པོ་སྟེར་ཞིང་ཁྱོད་ཀྱི་གྲོགས་ངས་བྱེད་པ་ཡིན་ཟེར་བ་རྒྱུན་དུ་བྱུང་གསུངས་པས། དེ་དུས་ནས་གཉན་མགོན་ཞལ་བཞི་པས་རྗེས་སུ་བཟུང་བར་གྲགས་སོ། །དེ་ནས་རེ་ཞིག་ལ་གཞན་དབང་གི་སྟབས་སུ་སོང་ནས་དགུང་ལོ་བཅོ་ལྔ་པ་མེ་ཕོ་སྟག་གི་ལོ་ལ་གཞིས་ཀ་གོང་དཀར་དུ་ཕེབས། ཡུམ་གྱི་ཐུགས་བཞེད་དང་བསྟུན་ནས་ལོ་ཤས་ལ་སྡེ་སྲིད་འཛིན་པ་མཛད་ནའང་། དེའི་ཕུན་ཚོགས་ཐམས་ཅད་དུག་ཆུའི་བཏུང་བ་བཞིན་དུ་གཟིགས་པས་གཏན་ནས་བོར་ཏེ། བསྟན་པ་ལ་རབ་ཏུ་འབྱུང་བར་ཤིན་ཏུ་རིངས་པས། ཐོག་མར་ཐེག་ཆེན་ཆོས་ཀྱི་རྒྱལ་པོའི་དངོས་སློབ་