[A:༡༤ན] པའི་གདུང་བརྒྱུད་སོགས་འབྱོན་བཞུད་ཉུང་བའི་སྟབས་ཀྱིས། མི་བདག་བདག་ཏུ་རེ་བའི་རློམ་སེམས་ཅན། ཡུལ་དེ་ནས་ཕ་ཚད་ཕྱིན་པ་ན་ཀརྨ་པའི་སྒར་པ་དཔོན་སློབ་ཚན་གཅིག་འདུག་པ་རྣམས་ཀྱིས། རྗེ་ཉིད་དེར་ཕེབས་པ་ལ་ཕྲག་དོག་གིས་ཀུན་ནས་བསླངས་པའི་སྐུར་ཞུས་སོགས་མི་དད་པའི་རྣམ་འགྱུར་མང་པོ་བྱས་པས། དེར་གནས་པའི་གྲྭ་པ་རྣམས་ཀྱིས་མ་བཟོད་དེ། ས་སྐྱ་པ་མཐུའི་བདག་པོ་ཡིན་ཟེར་བས། ད་ལན་བསྟན་པ་ལ་དགོངས་ནས་ཅིས་ཀྱང་འདི་རྣམས་ལ་མཐུའི་རྟགས་ཐོན་པ་ཞིག་མཛད་དགོས། དེ་ཕྱིན་མ་མཛད་ན་ཕྱིན་ཆད་ཕྱོགས་འདིར་ས་སྐྱ་པའི་སྒྲ་མི་གྲག་པ་ཞིག་ཡོང་ཞེས་ཡང་ཡང་ནན་ཏན་བསྐྱེད་དེ་ཞུས་པ་ལ་བརྟེན་ནས། ཁོང་རྣམས་ལ་ཞག་བདུན་གྱི་དུས་བཏབ་ནས། དཔོན་སློབ་བདུན་གྱིས་པུ་ཏྲ་ལ་བརྟེན་པའི་ལས་སྦྱོར་ཞིག་མཛད་པ་ན། ཞག་གསུམ་སོང་བའི་ནུབ་མོ་སྒྲུབ་ཁང་དུ་འོད་འཁྱུག་པ་དང་། ཐོག་ཚེག་པ་དང་། འབྲུབ་ཁུང་དུ་།