[A:༢༠༨བ]ཞིག་མ་བྱུང་འདུག་མོད། ཁྱེད་རང་སྐལ་བ་དང་བརྩོན་འགྲུས་འཛོམས་པས། གུར་ཞལ་གཙོ་བོར་གྱུར་པའི་ས་སྐྱ་པའི་བསྟན་སྲུང་དབང་པོ་རྣམས་ཀྱི་ཆོས་སྐོར་ཟབ་མོ་མཐའ་དག་ལུས་པ་མེད་པར་བུམ་པ་གང་བྱོའི་ཚུལ་དུ་ཐོབ་པ་འདི་ནི། བླ་མ་གོང་མ་རྣམས་ཀྱི་ཐུགས་རྗེ་དང་། མཁའ་འགྲོ་ཆོས་སྐྱོང་རྣམས་ཀྱིས་འཕྲིན་ལས་སྒྲུབ་པའི་དགེ་མཚན་ལས་བྱུང་བ་ཡིན་ཡང་དག་པས་ཤིན་ཏུ་ངོ་མཚར་ཞིང་རྗེས་སུ་ཡི་རང་བའི་གནས་སོ་ཞེས་གཟེངས་བསྟོད་པའི་གསུང་གི་བདུད་རྩིས་ཀྱང་ཁོ་བོ་ཅག་གི་ཡིད་ལ་དགའ་བདེའི་དཔལ་ཅི་ཡང་ཞིག་ཐོབ་པར་མཛད་པ་ཡིན་ལ། ཡང་ལོ་ཕུ་བ་འབུམ་ཆེན་ཀུན་དགའ་དཔལ་འབྱོར་གྱི་དྲུང་དུ་ཡང་ས་སྐྱ་པའི་བསྟན་འཛིན་རྫོང་ལུགས་ནས་བརྒྱུད་པའི་ཆོས་སྐྱོང་ཆེ་ཆུང་གི་རྗེས་གནང་། བྲམ་ཟེ་མངགས་གཏད། འདི་སྐོར་གྱི་མན་ངག་དུ་མའི་ཡིག་ལུང་དང་བཅས་པ་ཡང་ཐོས་པ་ལགས་སོ། །