[A:208b]zhig ma byung 'dug mod/ khyed rang skal ba dang brtson 'grus 'dzoms pas/ gur zhal gtso bor gyur pa'i sa skya pa'i bstan srung dbang po rnams kyi chos skor zab mo mtha' dag lus pa med par bum pa gang byo'i tshul du thob pa 'di ni/ bla ma gong ma rnams kyi thugs rje dang / mkha' 'gro chos skyong rnams kyis 'phrin las sgrub pa'i dge mtshan las byung ba yin yang dag pas shin tu ngo mtshar zhing rjes su yi rang ba'i gnas so zhes gzengs bstod pa'i gsung gi bdud rtsis kyang kho bo cag gi yid la dga' bde'i dpal ci yang zhig thob par mdzad pa yin la/ yang lo phu ba 'bum chen kun dga' dpal 'byor gyi drung du yang sa skya pa'i bstan 'dzin rdzong lugs nas brgyud pa'i chos skyong che chung gi rjes gnang / bram ze mngags gtad/ 'di skor gyi man ngag du ma'i yig lung dang bcas pa yang thos pa lags so/ /