[A:༡༩༦ན]ས་སྐྱའི་གདན་ས་ཤར་པས་བྱས། ད་ལྟ་ཡང་ཤར་བའི་བླ་མ་ཆེ་འདོན་གྲུབ་པ་རྣམས་ཆོས་ཁྲི་སྟེང་དུ་བྱོན་ཆོག་པའི་རྒྱུ་མཚན་ཡང་དེ་ཡིན། བདག་ཉིད་ཆེན་པོ་བགྲེས་ཀར་ང་གཉིས་པ་ལ་རབ་ཏུ་བྱུང་། མཚན་ཨ་མོ་གྷ་དྷྭ་ཛར་གསོལ། ཐུགས་དམ་ཟབ་མོ་ལ་རྩེ་གཅིག་བཞུགས། ལྷ་ཁང་ཆེན་མོའི་ལྕགས་རི་ཆེན་པོ་བཞེངས་པ་སོགས་ཀྱི་ཕྱག་རྗེས་ཀྱང་བཞག ཐུགས་བསྐྱེད་བཟང་བ་དང་བླ་མ་ཡི་དམ་གྱི་བྱིན་རླབས་ཞུགས་ཤིང་། ཆོས་སྐྱོང་འདི་རྣམས་བྲན་དུ་འཁོལ་བས། ས་སྐྱའི་ཆོས་དང་ཟང་ཟིང་གཉིས་ཀ་འདིའི་དུས་ཁོ་ན་དཔལ་འབྱོར་ཆེ་བར་གྲགས། དེ་ལྟར་བླ་མ་བདག་ཉིད་ཆེན་པོས་བཙུན་མོ་བདུན་ཁབ་ཏུ་བཞེས། སྲས་བཅོ་ལྔ། སྲས་མོ་གཉིས་ཏེ་བཅུ་བདུན་འཁྲུངས་པ་ལས། སྲས་ཐོག་མ་གཉིས་གཞོན་ནུ་ལ་གཤེགས། དེ་འོག་བླ་ཆེན་ཀུན་དགའ་བློ་གྲོས་རྒྱལ་མཚན་དཔལ་བཟང་པོ་སྐྱེས་སྟོབས་ཀྱི་ཐུགས་རབ་ཆེ་ཞིང་ལུང་རྟོགས་ཀྱི་