[A:196a]sa skya'i gdan sa shar pas byas/ da lta yang shar ba'i bla ma che 'don grub pa rnams chos khri steng du byon chog pa'i rgyu mtshan yang de yin/ bdag nyid chen po bgres kar nga gnyis pa la rab tu byung / mtshan a mo gha dhwa dzar gsol/ thugs dam zab mo la rtse gcig bzhugs/ lha khang chen mo'i lcags ri chen po bzhengs pa sogs kyi phyag rjes kyang bzhag thugs bskyed bzang ba dang bla ma yi dam gyi byin rlabs zhugs shing / chos skyong 'di rnams bran du 'khol bas/ sa skya'i chos dang zang zing gnyis ka 'di'i dus kho na dpal 'byor che bar grags/ de ltar bla ma bdag nyid chen pos btsun mo bdun khab tu bzhes/ sras bco lnga/ sras mo gnyis te bcu bdun 'khrungs pa las/ sras thog ma gnyis gzhon nu la gshegs/ de 'og bla chen kun dga' blo gros rgyal mtshan dpal bzang po skyes stobs kyi thugs rab che zhing lung rtogs kyi