[A:༡༦༠བ]གནམ་ཁའུ་པ་ལ་གསང་འདུས་ལུགས་གཉིས་འགྲེལ་པ་ཆ་ལག་དང་བཅས་པ་སོགས་དང་། བྱ་སྤྱོད་ཡོ་གའི་སྐོར་མ་ལུས་པ་གསན། མལ་ལོ་ཙཱ་བ་ལ་བདེ་མཆོག་གཙོ་བོར་བྱས་པའི་རྒྱུད་དང་མན་ངག་མཐའ་ཡས་པ་གསན། བ་རི་ལོ་ཙཱ་བ་ལ་ཡང་གསང་འདུས་དང་གཤིན་རྗེ་གཤེད་སྐོར། མཧཱ་མཱ་ཡ། སངས་རྒྱས་ཐོད་པ། རྡོ་རྗེ་གདན་བཞི་ལ་སོགས་པ་མཐའ་ཡས་པ་གསན་ཅིང་། རྒྱ་གར་ཤར་ནུབ་སོགས་ཀྱི་མཆོད་རྟེན་བྱིན་རླབས་ཅན་ཐམས་ཅད་ཀྱི་ས་སྣ་བསྡུས་ནས་ས་སྐྱའི་རྣམ་རྒྱལ་འབུམ་པར་གྲགས་པ་བཞེངས། སངས་རྒྱས་འོད་སྲུང་གི་སྐུ་གདུང་ལ་སོགས་པ་སྐུ་གདུང་རིང་བསྲེལ་རྟེན་གསུམ་བྱིན་རླབས་ཅན་མཐའ་ཡས་པ་བཞུགས་པས་བྱིན་རླབས་ཤིན་ཏུ་ཆེ་བར་གྲགས་པ་འདི། བླ་མ་བ་རི་ལོ་ཙཱ་བས་གཙོ་བོར་བདག་རྐྱེན་མཛད་ནས་བསྒྲུབས་ཏེ། ས་སྐྱའི་གདན་ས་ལོ་བརྒྱད་མཛད་ནས། ས་ཆེན་དགུང་ལོ་ཉི་ཤུའི་སྟེང་དུ་ཆེ་འདོན་བསྐོ་བཞག་མཛད་དེ། བ་རི་བ་ཉིད་བར་ཕུག་ཏུ་གཤེགས་སོ། །ཞང་སྟོན་ཆོས་འབར་ལ་གསུང་ངག་