[A:༡༤བ]དྲག་པོ་ནག་པོ་ཞེས་བྱ་བར་སྐྱེ་བ་ལེན། དེ་ཡང་དག་པའི་རྟེན་ལས་ལོག་པས་ན་ནག་པོ་ཡིན་ལ། དབང་ཕྱུག་ཆེན་པོས་འཇིག་རྟེན་ན་སྟོབས་ཆེ་བའི་དངོས་གྲུབ་བྱིན་པས་ན་དྲག་པོ་ཞེས་བྱའོ། །ཆེན་པོ་ནི་སྲིད་པ་གསུམ་ལ་དབང་བྱེད་པས་སོ། །དེའི་མཐར་ལས་ཀྱི་སྲིན་པོར་སྐྱེ་བ་བླངས་ནས། བསྐལ་པ་བཟང་པོ་འདི་ལ་རྡོ་རྗེ་འཛིན་པ་ཉིད་ཀྱིས་བཏུལ་ཏེ། སངས་རྒྱས་ཀྱི་བསྟན་པ་བསྲུང་བར་སེམས་བསྐྱེད་ནས། བྱང་ཆུབ་སེམས་དཔའ་ནག་པོ་ཆེན་པོ་ཞེས་བྱ་བར་གྱུར་ནས། དེས་སངས་རྒྱས་ཀྱི་བསྟན་པ་བསྲུང་བའི་བྱ་བ་རྫོགས་པའི་འོག་ཏུ་རྡོ་རྗེས་བརྒྱན་པ་ཞེས་བྱ་བའི་ཞིང་ཁམས་སུ་སངས་རྒྱས་ཐལ་བའི་དབང་པོ་ཞེས་བྱ་བར་མངོན་པར་རྫོགས་པར་སངས་རྒྱས་པར་འགྱུར་རོ། །ཞེས་ལུང་བསྟན་ཏོ། །དེ་ནས་སྐྱེ་བ་མང་པོ་བརྒྱུད་པའི་མཐར་སངས་རྒྱས་འོད་སྲུང་གི་བསྟན་པ་ལ་བློན་པོའི་བུ་ཞིག་ཏུ་སྐྱེས་ཏེ། དེ་རྒྱལ་པོའི་བུ་དང་ལྷན་ཅིག་ཏུ་ཡུལ་ཕྱོགས་འགའ་ཞིག་ཏུ་སྒྲ་སློབ་ཏུ་ཕྱིན་པས། རྒྱལ་བུས་