[A:14b]drag po nag po zhes bya bar skye ba len/ de yang dag pa'i rten las log pas na nag po yin la/ dbang phyug chen pos 'jig rten na stobs che ba'i dngos grub byin pas na drag po zhes bya'o/ /chen po ni srid pa gsum la dbang byed pas so/ /de'i mthar las kyi srin por skye ba blangs nas/ bskal pa bzang po 'di la rdo rje 'dzin pa nyid kyis btul te/ sangs rgyas kyi bstan pa bsrung bar sems bskyed nas/ byang chub sems dpa' nag po chen po zhes bya bar gyur nas/ des sangs rgyas kyi bstan pa bsrung ba'i bya ba rdzogs pa'i 'og tu rdo rjes brgyan pa zhes bya ba'i zhing khams su sangs rgyas thal ba'i dbang po zhes bya bar mngon par rdzogs par sangs rgyas par 'gyur ro/ /zhes lung bstan to/ /de nas skye ba mang po brgyud pa'i mthar sangs rgyas 'od srung gi bstan pa la blon po'i bu zhig tu skyes te/ de rgyal po'i bu dang lhan cig tu yul phyogs 'ga' zhig tu sgra slob tu phyin pas/ rgyal bus