[A:༩༧ན]དང་བསྡོངས་ནས་འགྲོ་བར་བྱའོ་ཞེས་གསུང་བྱོན། དེའི་ཚེ་ནག་པོ་ཆེན་པོའི་སྐུའི་འགྱིང་ལ་གཟིགས་ཤིང་། བྲམ་ཟེ་ཆེན་པོས་མཛད་པའི་བསྟོད་པ་སྔོན་ཚེ་བདེ་གཤེགས་མ་ལ་མགོན་པོའི་འགྱིང་དབྱངས་མཛད། དབྱངས་འདི་ལ་ཆེ་ཆུང་གཉིས་ཡོད་པའི་ཆེ་བ་རོ་ལངས་མ་ཞེས་གྲགས་པ་ཡོ་གའི་དབྱངས་དང་མཐུན་པ་ཞིག་ཡོད་པ་དེ་ཆད་ནས་མི་བཞུགས། དིང་སང་གི་འདི་ཆུང་བ་ཡིན་ཞེས་གསུངས། དུས་དེ་ནས་བཟུང་སྟེ་ཆོས་སྐྱོང་འབྲལ་མེད་དུ་གཟིགས་ཀྱིན་ཡོད་གསུངས་སོ། །དེ་ནས་ཡང་བླ་མ་ལ་ཞུས་པས། ད་དུང་ལྷ་མོ་ལ་སྔར་བཞིན་གྱིས་གསུངས་ནས་དེ་ལྟར་བྱས་པས། རྨི་ལམ་དུ་བུད་མེད་ནག་མོ་ཞིག་བྱུང་ནས། མཧཱ་བོ་དྷཱི་གནྡྷོ་ལའི་རྩར་སོང་ལ་དེ་ལ་རླུང་ཕོག་པའི་ཤུགས་སྒྲ་ལ་དཔེ་གྱིས། རྡོ་རྗེ་གདན་གྱི་སྐོར་ཁང་གི་ཤིང་པ་ཤ་རུའི་ཡལ་གའི་འགྱིང་བ་ལ་དཔེ་གྱིས་ལ་རེས་འཇོག་ཏུ་གླུ་ལོངས་ལ་བོས་ཤིག་ཅེས་ལུང་བསྟན། བསྟོད་