[A:94a]ste/ der thugs la spyir byang chub kyi snying po la rgyab kyis phyogs pa'i sems can rnams 'khor ba'i nags nyon mongs pa'i gcan gzan gyis gang bar gnas pa yin la/ bdag kyang de kho na na gnas pas de las thar bar bya ba'i phyir lha drag tu bskul ba'i cho ga la brtson par rigs so snyam nas zla ba drug tu 'bad pa la de kho na nyid ston pa'i slob dpon byi ba'i sham thabs can bya ba yod zer lung bstan byung / btsal bas dge sbyong sham thabs bye zhing chos gos la thod byas nas zhing rmo zhing 'dug go /der rjes su 'dzin par gsol bas khyim bstan te der song / de nas sleb 'ong zer/ der phyin pa na chung ma a khag pa zhig dang khyi mo dkar mo zhig las mi snang la der kho slebs nas zhing gi rol nas 'thus pa'i 'bu srin thu ba gang de la gtad de tshos shig zer/ de ltar byas pa na ngas rjes su 'dzin pa 'di yin gyi/ 'di zo zer slob dpon la byin no/ /der slob dpon cung zad the tshom du gyur to/ /rtog ge pa bya ba 'di kha yin som nyi ma byed par zo zhig zer/ zos pa dang skad cig la de ltar mi snang ste/ bcom ldan 'das 'jam pa'i rdo rje'i dkyil 'khor du gyur to/ /der slob dpon gyis/ khyod ni sems can kun gyi yab ste yum yang yin/ /khyod kyis bdag la sogs pa 'jigs pa che las skyobs/ /'gro ba'i dbang po rje btsun khyod kyis sdug bsngal sel/ /khams gsum gtong byed che bas che khyod skye bo skyongs/ /zhes bya ba la sogs pas gsol ba btab pas dbang bskur/ slob dpon gyis de kho na nyid legs par khong du chud de/ rnal 'byor bzhi pa ye shes la dbang ba'i rnal 'byor par gyur to/ /de nas 'jam pa'i dbyangs kyi zhal gyi lung legs par bstan zhing bstan bcos rtsom par gnang ba sbyin pas/ rdo rje gdan nas rgyang grags lnga bcu yod pa'i sar dbang chen rin po che'i phug ces par gnas bcas te sgrub thabs kun tu bzang po la sogs pa lung dang mthun pa'i chos bcu bzhi brtsams/ gzugs kyi phung po ni gnas ma gyur ces grags la/ de la slob ma'i mchog bco brgyad/ de rnams kyi nang nas che ba mar me mdzad bzang po/ rab tu zhi ba'i bshes gnyen/ sgra gcan 'dzin