[A:93a]bas sor chud/ ye shes kyi spyan yang thob pas ye shes spyan zhes kyang bya/ bod dag de'i tshe dngos kyi spyan gnyis shor la zhabs la spyan byung zer ba ye shes zhabs zhe sar ma go ba'i skad do/ /u rgyan du byon nas slob dpon sgeg pa'i rdo rje bsten/ bya ba dang / rnal 'byor gyi rgyud legs par bslabs/ gnas de'i phyogs gcig na de kho na nyid rtogs pa'i rnal 'byor ma gu ne ru zhes grags pa'i drung du phyin bla na med pa'i rgyud sde mang du thos/ yang rmi lam du yul de nyid kyi byang gi sgo srung gdol pa dza thig dza la zhes bya ba'i bu mo lo bcu drug lon pa la kShiM ka ra yin pas der song zhes lung bstan pa bzhin/ de dang bshes su 'thams te zla ba brgyad kyi bar du mnyes par byas/ des kyang slob dpon phyag rgya chen po la dga' bar rtogs nas de'i cha rkyen sgrub pa'i phyir snod gnas kyi man ngag stsal bas grub ste/ yo byad thogs med du gyur/ de nas dza landha rar byon te grong khyer ko ne dzer gyi phyogs gcig na byis pa chung ba'i zhabs zhes bya ba shes rab kyi rgyud la lhag par mkhas pa zhig yod pa de la lung mang po thos shing sgom pa la nan tan mdzad/ de nas yul dbus nas lho phyogs su dpag tshad sum brgya phyin pa na/ yul kaM ko na zhes bya ba nam mkha' la nags tshal khrigs pa zhig yod pa de'i phyogs gcig na/ klu sgrub kyi slob ma srung pa'i zhabs zhes bya ba thabs kyi rgyud la shin tu mkhas pa rdzu 'phrul thob pa slob ma dgu dang bcas pa la nor rgyun mas nyin re bzhin gser gyi ma sha bcu dang / mu tig gi do shal phyed dang / karsha pa Na sum brgya re 'phral gyi longs spyod kyi rkyen du sbyor ba zhig yod de/ lo dgur bsten nas bskyed pa'i rim pa skye ba gcig gis thogs pa rnal 'byor gsum pa'i mthar phyin par mdzad do/ /gnas der rnal 'byor ma rnams dang lhan cig pa'i spyod pa'ang zla ba phyed kyi bar du mdzad/ de ltar 'bad kyang de kho na nyid mngon sum du ma rtogs pas/ bla ma srung ba'i zhabs la zhus nas/ de'i zhal nas de ni kho bos kyang ma rtogs zhes gsungs pas thugs chad de/ rang gi phyag rgya ma glegs bam gyi gzugs su bsgyur te mgul du btags nas/ rdo rje gdan gyi rgyab kU ba dza zhes bya ba'i nags su phyin to/ /nags de'ang stag dred la sogs pas gang ba shin tu 'jigs pa