[A:90a]brgyal ba sangs pa dang / de rnams na re/ khyod sangs rgyas pa snying rje che ba yin pa la 'di lta bu byed pa zer/ de nyid kyis na sems can bsad pa'i sha khrag dron mos mchod par ma byed cig byas pas/ de rnams kyis btud de skyabs su zhugs pas sangs rgyas pa'i rnal 'byor mar gyur to/ /ko mkhan de de'i tshe grub thob tu gyur pas shar phyogs kyi rgyal po bhe har 'dul du brdzangs/ dpon slob gnyis kha sarpa Nir byon te/ dang po rab tu byung ba nas de'i bar du sangs rgyas kyi bstan pa'i bya ba mdzad pa'i lo rgyus phul bas/ 'phags pa rang byung des/ kye rigs kyi bu khyod kyi nus pas ni ri rab kyang thal bar brlag thub ste/ sems can las sna tshogs la spyod pa yin pas sangs rgyas kyis kyang 'dul dka' ba'i phyir khyod kyis sems can la gnod pa 'di lta bu ma byed par snying rje chen po skyed cig gsungs/ der slob dpon gyis gzhan gsung bzhin du bgyi yi/ nub phyogs so ma nA tha na rdo la rang byung gi dbang phyug gi lingga yod la/ de la dus re la ra dang ma he stong phrag re bsad nas mchod pa byed de/ sems can gyi srog skyob pa'i phyir de 'dul/ de nas bka' bzhin bgyid do zhes gsol nas byon pa'i lam du bram ze gnyis khri brnyan gyi pags pa smad du dkris tshangs skud bcangs pa ku sha rna ba'i steng du gzer ba dang phrad do/ /de gnyis kyis shes bzhin du mi shes pa skad byas te gar 'gro zer/ so ma nA tha rlag par byed du 'gro gsungs pas/ khyed nang pa sangs rgyas pa snying rje che ba yin na gnod pa byas na rung ngam zer/ nged snying rje che bas ched du 'gro ba yin te/ de la dus re la ra dang ma he stong phrag bsad nas mchod pa byed pas srog chags de dag gi srog skyob pa'i phyir ro/ /de 'jig rten na shin tu che ba yin na de ltar cang nus sam zer/ de mngon du 'gyur gyi gsungs pas/ de shar lus 'phags por song nas med zer/ gling bzhi'am tshangs pa'i 'jig rten du song yang kho bo 'gro ste rlag par byed do/ /de nas des rang gzugs bstan te/ slob dpon gyi zhabs la 'jus phyag byas nas/ de bdag yin pas khyod