[A:89a]ces bskul bas/ ngas 'di la phyag byed du mi btub zer/ 'di khams gsum na che ba yin pas tshol zer/ rgyal po sdig can zhig gis bdag la phyag mi 'tshal dbang med btang bas lha khyod bzod par bzhes shig byas nas phyag byas pas rten de phyed tshal du gas so/ /rgyal po 'khor bcas skrag nas bzod par gsol bas/ de'i dbur thugs rje chen po'i sku gcig bzhugs su chug thog mar de la phyag 'tshol/ de nas lha rten la 'tshol zhig de ltar ma byas na yang rten 'di 'gas par 'gyur ro zhes gsungs nas lho phyogs su gshegs pa'i rjes su ral pa can gcig 'brangs pa ni nag po pa'o/ /der 'byon pa'i lam du phyi rol pa rnams skrag nas rang rang gi lha rten gyi dbur sangs rgyas pa'i lha re bzhag go zhes grags so/ /de nas lho phyogs kyi brgyud der dbang phyug gi li sku khru brgyad cu yod pa der mchod pa byed pa la ma he brgya phrag re gsod pas/ der byon te lha de la rdog tho gcig brgyab nas phar 'dong gsungs pas langs te phyi bzhin 'brangs so/ /mu stegs de dag skrag ste gsol ba btab pas/ ma he mi gsod par 'bras chan la sogs pas mchod na 'jog go /de ltar khas blangs so/ /de nas shar ngos nas ha dza de wi bya ba rang byung gi tri shU la dang / tsaNDYi ka'i sku yod pa/ phyi rol pa'i rnal 'byor ma rnams kyis mi der khrid nas dmar mchod byed pa der phebs/ rnal 'byor ma rnams kyis nang du bos/ slob dpon gyis g.yog gnyis la dbugs phyir rgyu ma bcug par nang du sgom la sdod cig gsungs/ nyid nang du byon/ khyod kyi grogs gnyis gang du song zer/ phyi rol na 'dug gsungs/ de khug zer/ khyed rang gis bos byas pas skad med/ mdzub bu sug byas pa'i shul na tshur dbugs ngan so so dri chen 'bur 'bur byung bas rul nas 'dug zer log pa dang / tri shU la 'dar yed yed 'dug pa la slob dpon gyis thal mo brdabs pas de phye mar song / tsaNDYi ka'i sku de spar spar 'dug pa la spyi bor thal mo bsnun pas mgo snying ga'i bar du bying song pa rna ba nas bzung / spyi bor mchod rten gcig bzhag pas rna ba ke re yod skad/ ming yang de nas rna bcus lha mo grags so/ /der rnal 'byor ma rnams brgyal bar gyur te/