[A:88a]gsungs pas/ rngan pa dgos zer/ rngan par chu rang sbyin/ de gyen du log nas thams cad skrag nas nor phul ba rngan par byin pas ma 'dod par zhabs la 'jus te bdag rjes su 'dzin par zhu byas pas rjes su gzung / grub thob ko ka li pa'am/ Dombi he ru ka'o zer/ de nas lho phyogs bi mo sa ra dang nye ba dha ki ni ta pa zhes par chang 'tshong ma zhig gi khyim du slebs/ dpon slob gnyis kyis chang nyo byas pas/ rin ci yod zer/ rin med byas pas/ rin med par chang 'tshong ba'i lugs med zer/ nged ngoms pa gyis dang khyod ci 'dod pa byin gyi gsungs pas/ ci tsam na ster zer/ nyi grib mtshams su ri mo zhig bris nas 'di 'das ma thag ster byas nyi ma gta' mar bcug pas chang blud/ zad pa dang rin bslang byas pas/ da rung nyi ma ma song / song ba dang ster ro/ /des yul khams de'i chang 'tshong ma kun la bskyis kyin sbyin pas zad/ rgyal po'i dbyug tshod dang chu tshod brtsis pas 'khrugs/ mi rnams kyang gnyid kyis ra ro gyur pa dang / rgyal pos rnal 'byor pa zhig gis nus pa bstan par go nas rtsad bcad pas chod de/ der 'ongs nas nyi ma gtong bar zhus pas chang rin med gsungs/ rgyal pos rin sprad pa dang mtshan phyed du gyur to/ /de nas lho phyogs na ca pa ti'i yul na bi ma ha ra zhes bya ba dbang phyug chen po'i lingga 'jig sdes byas pa yod/ de na ral pa can lnga brgya gnas/ yul de thams cad mu stegs yin pas der byon rgyal po la legs par sbyar ba'i skad kyis bstod ra byas pas rgyal po mnyes te ral pa can lnga brgya po'i dpon du bkod mchod gnas byas so/ /de lha la phyag mi byed pas mi rnams the tshom du gyur te rgyal po la bzlas pa dang / legs par sbyar ba'i skad la shin tu mkhas par gyur pa zhig lha rten la phyag mi byed pa mi srid/ khyed rnams kyi phrag dog yin zer ma nyan/ yang yang bsnyad pas rgyal po yid gnyis su gyur te mchod gnas thams cad bos la lha rten la phyag tshol zhig bsgo ba gzhan rnams kyis byas/ slob dpon mi byed do/ rgyal pos phyag mdzod