[A:84a]bden snyam med/ de'i tshe blon po rang gi grogs po zhig gis bris sku gzhan du ma bskyal na rgyal pos tshor nas chad pa 'ong ngo zer/ bden snyam ste/ bris sku na bza' mang po dang bcas te grong khyer gyi lho phyogs sgo nas khur bas/ sgo ba na re 'di tsam gyi rgya 'debs pa ci yod zer kha phye bas bris sku byung / des rgyal po'i drung du khyer te bstan pas/ blon po gzhan rnams na re/ rgyal po'i lha yis gdan byas pa'i lha 'bri ba 'di srog dang nor gnyis ka las phral bar rigs so zhes zer ba dang / rgyal po na re/ de ni ma yin te bya ba brtag gin byed dgos pas brtag go /blon po bkug ste/ 'di khyod kyis dran pa yin na khyod gsod/ khyod kyi slob dpon gyis dran pa yin na slob dpon gsod pa yin byas pas/ blon po na re/ nged dang slob dpon gyis dran pa min/ sangs rgyas pa'i rgyud nas bshad pa yin byas pas/ de bden na 'dis gdan byas pa'i 'jigs byed dang dus mtshan bris/ khyod kyi 'di dang gnyis nged kyi lha khang du gshibs/ zhal g.yogs nas zhag bdun du mchod pa byas la zhal phye nas ji ltar 'dug pa'i nus pa 'gran no zhes zer/ de bzhin du byed par byas nas blon pos slob dpon la bsnyad pas/ slob dpon na re/ bcom ldan 'das dbang phyug gis rdzi bar ga la nus gsungs nas dur khrod du tshogs kyi 'khor lo bskor/ de'i tshe mi sngon po thod rlon thogs pa zhig byung nas tshogs dpon ngas bya zer ba la/ nga nyid kyis tshogs dpon byed do zhes gsungs pa'i mod la/ de he ru kar gyur nas 'di skad du/ mdze mo de yang mdze mo ma yin rdo rje phag mo'i rnam 'phrul yin/ /zhing rmod de yang zhing rmod ma yin he ru ka yi rnam 'phrul yin/ /mdzes ma de yang bu mo ma yin he ru ka yi rnam 'phrul yin/ /klog mkhan de yang klog mkhan ma yin he ru ka yi rnam 'phrul yin/ /thod pa can yang thod pa can min he ru ka yi rnam 'phrul yin/ /tshe 'dir mchog min gzhan du gzhung drug rtsoms shig bar dor sangs rgyas 'grub/ /ces gsungs/ der slob dpon gyis/ khyod kyi zhabs kyis mnyam par mnan na 'og gi klu yang 'jigs 'gyur shes te zhabs g.yon bskum par