[A:83a]mor byas/ dge tshul he ru kar byas nas/ khyod kyis spyod pa mi nus par 'dug gis ma byed/ cis kyang 'gro na de wi ko Tar ma 'gro gsungs nas de mkha' spyod du song ngo / /de nas phar phyin pas rmon pa zhig dang phrad pas des chang sa 'og tu bcug 'dug pa blangs pas ma ster te/ ma tshad kyi rdo ba zhig la chu bag tsam 'dug pa nas 'thung zer/ des mi ngoms byas pas/ 'thung nus par gyis ngoms par bya yi zer/ de 'thungs pas ma zad/ der rmon pa'i glang la sdigs mdzub byas pas glang shi nas/ khyod sangs rgyas pa'i rnal 'byor par 'dug pas da gsos zer bas ma nus so/ /der rmon pa rang gis bslangs nas zhing rmo zhing 'dug go /de nas phar byon pas skyed mos tshal zhig na shing thog dzambi ra bya ba chu skyur po 'byung ba zhig bu mos srung zhing 'dug pa bslangs pas/ khyod rnal 'byor par 'dug pas nus pa med dam phob la zo zer/ der lta stangs byas pas shing thog brul/ bu mos mig btegs byas pa tsam gyis slar 'byor zhing song / yang phar phyin pas lha khang zhig na mi zhig brgyad stong pa klog cing 'dug pa la/ khyod paNDYi ta'am/ rnal 'byor pa'am/ dge bsnyen nam ci dris pas/ rnal 'byor pa'o/ /rnal 'byor bya ba klog byed dam/ 'o na khyod kyis klog dang zer ba la/ slob dpon gyis klog pas ma shes so/ /de nas slob dpon dpon slob bhangga lar byon te/ de'i rgyal po rol pa'i zla ba dang / blon po dge ba'i mgon po'i grong du nye bar phebs/ rgyal po phyi rol pa yin/ blon po sangs rgyas pa yin pas/ blon pos bsu ba dang bsnyen bkur byas te/ bdag gi lha khang na thugs rje chen po dbang phyug gi gzugs su byas pa zhig bzos yod pa'i rab gnas zhu byas pas/ de ring nyid du bya'o gsung / yo byad ci dgos zer bas ci'ang mi dgos/ me tog cig sku'i spyi bor bzhag nas su pra tiShTha zhes brjod de rab gnas zin no gsung / de la yid ma ches pas/ slob dpon gyis me tog phog ste gshegs pas sku de'ang phyi la 'brangs so/ /blon po yid ches nas gsol ba btab pas/ yang me tog spyi bor bzhag nas su pra tiShTha zhes brjod pas mi mang pos spyan drangs kyang ma theg nas/ de nyid du lha khang brtsigs so/ /blon po de la bde mchog gi dbang bskur sgrub thabs sbyin/ des gsangs nas bde mchog gi ras bris bzhengs kyang / rgyal pos blon po gzhan la thos nas