[A:85a]gnas/ /khyod kyi phyag rnams drang por bsrang na phyogs skyong rnams kyang skrag 'gyur shes te phyag rnams bskum par gnas/ /gtsug tor drang por bsrang na tshangs pa'i 'jig rten 'jig 'gyur shes te dbu ni cung zad yo bar gnas/ /rje btsun khyod kyi sku ni gar dgos pa dang ldan pas bdag ni khyod la shin tu gus pas bstod/ /srid pa gsum 'bar sku ni rjes chags dul bar ldan/ /'od zer sngon po stong ldan nyi ma brgya 'od ldan/ /rnam mang sku dang cha lugs rjes chags sems par ldan/ /he ru ka dpal bsngags pa lhan cig gar byed shog /ces gsungs pas/ he ru ka ha ha hi hi ho zhes gsungs nas mi snang bar gyur to/ /de nas zhag bdun thems te bris sku bltas pas/ bcom ldan 'das ni 'od dang ldan la/ bris sku gcig pu'ang go zlog nas 'jigs byed dus mtshan mnan pa'i he ru kar gyur pas/ rgyal po 'khor bcas shin tu dad par gyur te/ slob dpon rgyal pos pho brang du spyan drangs/ der slob dpon gyis rgyal blon gyis zhus pa'i don dang / lung bstan pa'i phyir nag po pa'i gzhung drug tu grags pa mdzad/ rgyal po la'ang bde mchog gi dbang dang / rgyud dang / man ngag thams cad byin pas yul de sangs rgyas par bsgyur ro/ /de nas slob dpon de wi ko Tar byon pa dang / bu mo gcig 'bras rdung ba la bslangs pas ma ster nas/ slob dpon gyis 'bras kyi tshoms la lta stangs byas pas bkas pa na/ mos kyang slob dpon la lta stangs byas pas zhal nas khrag byung ba de der mid/ bzhugs sar sleb pa dang bsnyung nas/ bla ma'i bka' bcag pa'i nyes pa byung bas yul nyi shu rtsa bzhir tshogs 'khor byed du song la/ de nas me tog dang sman long la shog gsungs 'khor rnams btang bas/ de dag gis kyang de bzhin byas te 'khor ba'i lam du khrus kyi rdzing bu zhig na bud med mang po khrus byed pa rnams na re/ khrus mi byed dam zer/ long med slob dpon bsnyung bas myur bar 'gro'o byas pas/ de rnams na re/ bsnyung ba dwangs so/ /der khong rnams kyis khrus byas pa dang / sman rnams bud med de rnams kyis khyer nas nam mkha' la song ngo / /der phyin pa