[A:80a]'gram lhang nag por gyur pa yis/ /glang chen rnams ni padma'i skud pa phra mos 'khyig par mi nus bzhin/ /zhes gsungs pa dang / rgyal po khros nas 'di grong du sma phab par bya'o snyam grong du slebs nas/ nags gseb kyi btsun pa 'di grong khyer du sus sma 'bebs par nus pa de la bya dga' chen po ster ro zhes dril bsgrags so/ /de'i tshe chang 'tshong ma zhig la bu mo mdzes ma padma can gyi rigs su gyur pa zhig yod pa'i ma na re/ ngas grong du sma dbab par bya'o zhes khas blangs so/ /de nas dgos pa'i yo byad ni rgyal pos bsrings/ smad 'tshong ma des slob dpon la bsnyen bkur lan mang du byas te/ skabs shig rang gi bu mo des slob dpon gyi zhabs tog byas par zhus pas/ dgos pa ldan par gzigs nas gnang ste/ de dbang gis smin par bya ba nas brtsams te rgyud dag pa bsgrubs nas phyag rgyar bsten te rim pa lnga pa mthar phyin gyi bar du bsgrubs so/ /de nas b.ratal zhugs kyi spyod pas o Di bi sha'i grong khyer pa rnams 'dul ba'i dus la bab par mkhyen nas/ sprul pa'i bu dang bu mo gnyis shig kyang sprul lo/ /de nas rgyal pos chang 'tshong ma la mngags te dus ston gyi tshe/ rgyal po dgung du bzhugs pa'i khrom gyi dbus su byon/ bu ni g.yas na/ bu mo ni g.yon na/ slob dpon ni rwa'i shor zhal zhal du bcug jo mos chang 'dren pa kun gyis mthong bar gyur pa dang / rgyal pos gtsos pa thams cad kyis sngar gyi glu de blangs nas/ rgyal pos spyan drangs pa'i tshe mi 'ong la/ chang 'tshong ma'i bu mos bos pa'i tshe 'ong ba zhes khrel bgad btab pa dang / slob dpon gyis nus pa bstan pa'i dus yin par dgongs te/ rwa'i shor zhal de sa la brdabs pas sa 'og rim pa bdun phug nas 'og nas chang gi mtsho chen po rdol/ slob dpon nyid he ru ka btsun mo ni rdo rje phag mo/ sprul pa'i sras gnyis rdo rje dang dril bur byas te nam mkha' la gshegs so/ /de'i tshe chang gi mtshos khengs te thams cad der dim du nye nas rgyal po la sogs pa thams cad kyis slob dpon la bzod par gsol bas/ thugs rje chen po la gsol ba thob cig gsungs/ thams cad kyis na mo lo ke shwa ra ya zhes gsol ba