[A:81a]btab pas mtsho de'i dbus nas thugs rje chen po'i sku zhig byung / de la chang thams cad bskor ba lan bdun byas nas 'og tu song ste gnod pa med/ thugs rje chen po rang byung de'ang da lta'i bar du bzhugs/ dus de'i tshe phyogs de la chang gi dri chen po 'byung ba yin zhes grags so/ /des bde mchog gi phyi dang lus dkyil rim pa lnga pa bdag byin gyis brlab pa sogs mdzad do/ /bde mchog lo dril ba'i bod kyi mkhan po rnams/ de'i slob ma rus sbal zhabs/ de'i slob ma dza landha ri pa/ de'i slob ma nag po spyod pa dang / rang byin brlabs kyi brgyud pa la/ de'i slob ma a wa dhU ti pa/ de'i slob ma nag po spyod pa chos kyi rdo rje zhes 'dren/ rje btsun mar pa'i zhal snga nas de nyid kyi slob ma tsArYa pa ste/ nag po spyod pa yin par bzhed/ 'gal ba med do/ /de'i lo rgyus ni/ shar phyogs bhangga la'i bye brag o ru bi sha'i yul du rje rigs su 'khrungs/ ku su lu'i bla ma zhig dang mjal te dgyes rdor zhus/ skabs shig slob dpon dza landha ri pa mjal te/ bde mchog 'khor lo'i dbang rgyud man ngag gsan sgrub pa mdzad/ lta stangs bzhi grub pa tsam gyis nus pa skyes slob ma bskyangs/ rdo rje dril bu pa dang mjal/ de'i tshe bla ma dza landha ri pas u rgyan du rgyan byin gyis brlabs pa zhu ba la brdzangs te/ khyod rnal 'byor ma gzhan gyi cha byad la ma lta bar/ nangs kyi gral gzhug na bzhin mi sdug pa/ na bza' srul ba/ zhwa srul po gyon pa/ so mi legs pa yas sos ma mchu mnan pa zhig 'ong gi de la phyag tshol me tog phul la/ slob dpon dza landha ri pas rgyan 'di byin gyis rlob tu btang ba yin zhus shig gsungs nas phyin pas/ de kho na bzhin du byung nas phyag dang me tog phul zhu ba byas pas 'dzum bstan nas rgyan la byin rlabs mdzad de/ 'di slob dpon dza landha ri pa dang ma mjal bar kha ma phyes cig gsungs nas gtad do/ /de khur nas 'ongs pa'i lam du sems tsag tsag byed nas rgyan kha 'byed 'dod de/ phye nas lus la btags pas khru gang tsam gyi nam mkha' la 'gro ba dang / mngon shes ci rigs pa shar bas rgyan sbed pa'i rgyu mtshan der 'dug snyam ste/ slar sbas te slob