[A:79a]bstan pa dpang du btsugs nas rtsod pa byed du byung ba paNDYi ta gzhan gyis ma nus nas/ slob dpon gyis de pham par byas te nang pa'i bstan pa la bcug pas/ slob dpon dgra las rgyal zhes grags so/ /de'i tshe rgyal pos bla mar bzung nas sde snod gsum la 'chad nyan mdzad pa'i skabs/ dha ri ka pa dang mjal gus pas btud de rjes su 'dzin par gsol ba btab pas/ des dpal 'khor lo sdom pa'i dkyil 'khor du dbang bskur/ rgyud bshad/ man ngag byin nas dben par song la sgrub shig ces lung bstan/ der bhangga la'i nags gseb dben pa gcig tu bzhugs/ re zhig na khyod u rgyan du song zhig phag rdzi mo zhig gis rjes su 'dzin pa 'gyur ro zhes nam mkha' las sgra byung / der phyin nas phag rdzi mo mthong tshad la phyag phul gsol ba btab pas lan ci yang ma byung bas thugs chad la khad na/ phag rdzi rgan mo mdog mi sdug pa gos srul pa/ res bgad res ngu ba zhig byung ba la phyag dang mchod pa byas te rgyu mtshan dris pas/ sngags dar yang nyams su len pa nyung bas so zer/ de mkha' 'gro mar shes te zhabs spyi bor blangs nas rjes su 'dzin par zhus pas/ des gzugs dngos bstan nas dpal 'khor lo sdom pa'i dkyil 'khor du dbang bskur/ rgyud bshad/ rim pa lnga la sogs pa'i gdam ngag btab nas lho phyogs su sgoms shig gsungs lung bstan/ de nas der byon lho phyogs o Di bi sha zhes bya ba'i yul gyi nags khrod dben pa zhig na sgrub pa snying por mdzad kyin bzhugs so/ /skabs shig yul de'i rgyal po sos ka skyo ba bsang zhing 'phong rtse ba'i don du rngon pa la 'ongs pas slob dpon mthong ste/ dge slong de gzugs shin tu rid pa/ lus nyi lhags kyis gzir zhing 'tsho bar byed pa'i dngos po gang yang med par mthong nas snying rje skyes te/ ngas zas byin gyi grong du 'dong ngo / /de'i tshe slob dpon rim pa lnga la blo sbyong ba'i rim pa gsum pa dam tshig gi phyag rgya sgrub pa'i skabs su bab/ mngon par shes pas gzigs pas/ phyag rgyas 'grub par gzigs nas/ dngos rnams yongs su shes pa'i mkhas pa rnams la brnyas par mi bya ste/ /de ni rtswa rtse chung ba bas kyang chung ba'i 'byor bas 'khyig min pa/ /rgyun mi chad par chang 'dzag pa yi