[A:76a]gnyis kyis bkra shis kyi bum pa thogs te 'ongs pa dang / slob dpon khri la mthong ba dang / bkra mi shis snyam nas bskrad par bsams te phar song zhes smras pas lan med/ de rnams kyis lag pa nas bzung ste brdeg pas bsgul bar ma nus/ ma rangs te ha ha zhes khrel bgad byas so/ /slob dpon bzhengs nas sdig mdzub mdzad de/ ma lus pa 'di ji tsam yin de 'jig rten gsum po ji tsam yin/ /de cha nyid kyi gcig ni mi bdag gzhan ni de yi g.yog yin na/ /blo bzang de yang gzhan gyi dam pa'i spyod la bzhad bgad byed pa ni/ /e ma 'khor ba ngo mtshar che ba 'di la smra mang ci zhig dgos/ /zhes dang po sgrub pa la bzhugs nas de'i bar la phal pa'i tshig de las ma gsungs/ de nas bram ze de dag skyengs nas nang du log ste rgyal po la bsnyad pas khros te/ de'i steng du dpung gi tshogs thongs la brlag par gyis shig de bzhin byas pa dang / slob dpon gyis sdang mig gis bltas nas ha ha hi hi zhes bgad pas dpung tshogs thams cad smyo nas ha ha hi hi zer zhing bros so/ /der rgyal po skrag nas bzod gsol ma byas na rgyal khams phung ste 'gro snyam nas/ myur bar slob dpon gyi rtsar 'ongs te/ glang po chen po las babs nas maNDYal phul bzod par gsol bas sngar gyi rnams rnal du tshud do/ /de nas rgyal pos khyod su yin zhes brjod pas/ slob dpon na re/ khyod su yin zer/ rgyal po yin byas pas/ nga'ang rgyal po yin zer/ 'o na khyod kyi rgyal po'i longs spyod rnams ga re byas pas/ slob dpon gyis sa gzhi mal stan chen po yin te lag pa'i blo rten 'bol ba khri/ /zla ba'i 'od zer sgron ma gsal zhing bsil g.yab rjes su mthun pa'i rlung / /rgya che nam mkha'i bla bre chags bral stong pa'i bud med la spyod cing / /e ma rgyal ltar srid na 'jigs med bder nyal rnal 'byor chen po yin/ /zhes gsungs pas/ rgyal po dad nas slob dpon glang po che la bskyon te pho brang du spyan drangs/ mchod de gdam ngag zhus pa na/ khyod ni rigs kyis snyems pa'i gang zag yin/ snod du mi rung ngo gsungs pas/ rgyal srid spong bar khas blangs nas zhus pas/ de nyid du bde mchog 'khor lo'i dkyil 'khor sprul te dbang bzhi rdzogs par bskur/ rang byin gyis brlabs pas bde ba nyams myong