[A:77a]rgyud la skyes/ blon po bram ze gtsang sbra la dga' zhing rigs la mchog tu 'dzin pa yin pas nga rnal 'byor pa sha za/ chang 'thung de la khyod mos sam/ mos so byas pas/ de'ang rjes su bzung / de nas rgyal blon gnyis la gdam ngag 'bogs par dgongs nas/ gnas lugs phyag rgya chen po'i don la sems gtod du bcug mkhyen bzhin du khyed gnyis da lta sems gang la 'phro zhes dris pas/ rgyal po na re smad 'tshong ma la'o/ /blon po na re Ding gi'i sgra la'o zer/ de nas slob dpon gyis Ding gi'i sgra la gzhi byas te bstan pa ni/ Ding gi'i sgra de tshogs nas 'dug gam/ tho ba dang skyes bu'i rtsol ba sogs gang la 'dug rtog shig de gnyis kyis brtags pas ya gyal gang la'ang med tshogs pa las 'byung bar shes nas gsol pa/ de dper mdzad de phyag rgya chen po de rtogs par byed pa'i thabs bla ma'i gdam ngag dang / slob ma'i mos gus dang / rtsol ba rkyang pa re las mi 'byung zhing / de rnams tshogs pa las rtogs te/ de'i phyir chos thams cad rten cing 'brel bar 'byung ba yin pas/ lam mngon par rtogs pa la slobs shig ces bsgo/ de gnyis kyis bsgom bya mngon par rtogs pa gang lags zhes zhus pa mngon rtogs gzhung du bkod/ de nas rgyal po'i rigs kyi nga rgyal bcag pa'i ched du/ khyod kyi 'byor pa cha gsum du bgos la gcig bram ze dang dge sbyong la phul/ gcig phongs pa la sbyin/ gcig rgyal srid 'dzin pa la zhog la/ rang gcer bur phyung lus la thal bas byugs/ 'doms la car ras dkris la/ dbyug pa dang slong phor thogs/ btsun mo rnams thongs/ 'di nas lho phyogs kyi rgyud na o ra pu ri khur ba'i grong khyer zhes bya ba na rdo rje rnal 'byor ma smad 'tshong ma'i cha byad 'dzin pa zhig yod/ de'i drung du song la nyin mo zhing las/ nang nub rkang pa 'khrud pa dang bsku mnye/ de'i rtsar nyal po la 'ongs pa dag dgug pa'i g.yog gyis/ nub mo sgrub pa gyis/ de ltar byas na lo bcu gnyis na bud med stong phrag bcu bzhi dang bcas pa grub pa thob par 'gyur ro/ /de nas de la dha ri ka pa zhes grags so/ /blon po la bram ze'i rigs kyi nga rgyal spang ba'i ched du/ gzhon nu'i grong khyer de nyid kyi chang 'tshong ma zhig gi drung du btang ste/ nyin chu 'chu