[A:30a]dgra bcom pa thob pa rnams kyi thur ma sor bzhi pas bkang bas khengs so/ /ston pa mya ngan las 'das nas dgra bcom pa'i 'khor 'di las mang ba ma byung ngo / /des dhi dhi ka la bstan pa gtad de mya ngan las 'das so/ /'phags pa dhi dhi ka'ang dgra bcom pa sde snod gsum la mkhas pa des ma ga dha dmar bu can gyi 'phags pa nag po la bstan pa gtad de mya ngan las 'das la/ 'phags pa nag po'ang dgra bcom pa sde snod gsum pa ste bstan pa yongs su bskyangs shing legs mthong la bstan pa gtad de yongs su mya ngan las 'das so/ /'ga' zhig las kha cher legs mthong byung ste/ pha dang ma dag las de la sengge zhes bya ba'i ming du grub/ 'phags pa nag po las rab tu byung ste dgra bcom pa sde snod gsum par gyur cing / byang gi phyogs nas rgyal po ka niShka zhes bya ba sengge lta ba'i phyir kha cher zhugs so/ /de la 'phags pa sengges chos bstan to/ /des de la chos thos nas byang du log ste ka niShka'i mchod rten dang / ston pa'i bstan par bkur sti cher byas la bsdu ba gsum pa'i sbyin bdag byas so zhes byung la/ legs mthong tshun ni lung phran tshegs las gsal bar byung zhing / bu ston gyi lang gshegs 'grel par dhi dhi ka nas bi bha ga la/ des btsun pa buddha nan ti la/ des buddha mi ta la/ des slob ma dge slong rtsibs la/ des su na sha ta la/ des rta skad la/ des ma shi ba la/ des klu sgrub la/ des ArYa de wa la/ des rA hu la la/ des sa gha nanta la/ des dge slong dgra bcom pa la/ des gha la sha la/ des ku ma ra ta la/ des sha ya ta la/ des ba su bandhu la/ des ma no ta la/ des ha ka li ka na ya na sha la/ des sengge zhes byung ngo gsungs kyang / deng sang yod pa'i 'grel pa gnyis na de mi snang gsungs la/ 'di la legs mthong ma byung bas lung bzhin du byas na snga ma 'thad cing / legs mthong dang sengge don gcig par byas na klu sgrub la bstan pa gtad pa dus 'grig 'grel pa der yod kyang mdo de ga'i lung brgyud tsam yin srid do/ /des na rang lugs klu sgrub yan la bdun no/ /khyad par du gnas brtan chen po bcu drug gis bstan pa bskyangs te/ sum cu rtsa gsum na gnas brtan lam chen pa/ gangs can na gnas brtan mi phyed pa/ nub ba lang spyod na gser can/ byang sgra mi snyan na ba ku la/ shar lus 'phags na ba ra dhwa dza/ zangs gling na dus ldan chen po/ singga gling na rdo rje mo'i bu/ pri yangku'i gling na sgra gcan 'dzin/ chu bo ya mu na'i gling na bzang po/ ri bi hu la na