[A:299a]bde zhus pas/ de 'di dang 'di min nam gsungs pas ma bde ba phal cher khrol/ sman min 'ga' zhig phyis shes par 'gyur ro gsungs/ der 'di lta bu'i dus kyi 'khor lo mkhas par mkhyen pa su la gsan zhus pas/ ngas gzhan la ma zhus shrI rir bsdad dus bud med dmar mo zhig gis po ti byin/ de mid pa'i snang ba byung nas chos gang la'ang mi shes pa ma byung ba yin gsungs/ 'o na bdag la dus kyi 'khor lo'i dbang gnang dgos zhus pas/ slob dpon jo btsun rang gsol ba thob cig gsungs/ der gsol ba btab pas tho rangs rmi lam du dus 'khor ba sangs rgyas rdo rje yin no snyam pa zhig gis dkyil 'khor gyi las rim rgyas pa byas te dbang bskur rdzogs par sbyin pa rmis/ gnyid sad dus nyi ma shar 'bol song snang / drung du phyin pas slob dpon jo btsun thugs tshim mam gsung / tshim lags zhus te/ de phyin nas chos rje sangs rgyas dngos su gzigs pa yin/ der bka' las shambha la na las 'brel mi 'dug dngos kyi las 'brel u rgyan du 'dug der song gsung / thog mar byang mi med kyi thang la zla ba dgu bzhugs/ de nas ti se/ mar yul/ ga sha dza landhara'i bar du byon/ de nas grogs mched lnga yod pa'i gsum snod min par mkhyen nas slog dpal yes khrid de u rgyan du byon/ lam du cho 'phrul bsam gyis mi khyab pa byung / khyad par chos rje'i drung du sgom ma brdungs pa rnams kyis rdo char phab/ b.ratal zhugs kyis zil gyis mnan te u rgyan mthil du brtol/ he ru ka rang byung gi pho brang de thog mar ka ma dha ko zhes pa'i gangs ri zhig tu gzigs/ de nas dhU ma tha lar smad 'tshong ma zhig gis thug pa phor gang byin pa 'thungs pas skad cig la lus mi gcig pa bcu bdun blangs pa'i snang ba byung / de sangs pa na sngar gyi gangs sogs thams cad dkyil 'khor gyi 'khor lo mngon sum lta bur gzigs/ khyad par bcom ldan 'das mas rdo rje gsum gyi bsnyen sgrub stsal/ smad 'tshong ma des kyang gdams pa dang / reg pa med pa'i rdo'i 'og tu lo gcig bsgoms na rgya gar gyi grub thob brgyad cu rtsa bzhi'i gcig dang mnyam par 'gyur zhes lung bstan/ gzhan yang rnal 'byor ma bzhi dang mjal te/ dpal yes skyel ba la bod du log 'byon dgos byung ba yin/ tshur lam kha che brgyud bla chen de khyim gyi bla mchod du bzung / khong chos byed zer khrid byon pa