[A:298a]mang du mched/ gdan sa ni dbon brgyud kyis bzung ste/ de dag las kyang grub pa'i skyes bu tshad med pa byung ste stod 'brug gi rkang 'ba' ra ba la thug go /u rgyan pa ni zur tsho'i go lung du yab jo phan/ rus rgyud mched bzhi byung ba'i bgres shos go lung pa zhang mdo sde dpal/ de 'og gzhon nu dpal/ de 'og mi chos pa/ chung shos sengge dpal yin/ des lo bdun nas rgod tshang pa bhu Tar byon pa la dge bsnyen blangs/ de nas bcu drug gi bar du ma phur/ bde dgyes/ phyag rdor/ yo ga rgyud phyag len dang bcas pa la bslabs/ bcu drug pa la bo dong er byon/ bo dong rin rtse la mngon pa gong 'og tshad ma rnam nges/ shes rab 'grel chung bslabs te 'chad rtsod rtsom gsum la 'gran zla med par grags/ jo jo mdo sde dpal la 'grel chung gsan/ 'dul ba'i skor gzigs pas bag chags mthun par 'dug khyad par las brgya rtsa gcig pa gzigs pa tsam gyis thugs la chud/ dgung lo nyi shu pa la bo dong rin rtses mkhan po/ zhang bsam gling pas slob dpon/ slob dpon bsod 'od pas gsang ston mdzad nas tshigs rdzogs bsgrubs/ mtshan rin chen dpal du gsol/ de nas lo bcu gnyis su stan gcig pa'i b.ratal zhugs gzung sha'ang ma gsol/ bo dong rin rtse la dus 'khor 'bro lugs/ go lung pa mdo sde dpal la chag lugs legs par sbyangs/ khong gis dus 'khor ba sangs rgyas rdo rje la rtsa mi lugs nyon gsungs/ rong la brdzangs/ zla ba bcu gcig tu phran dang bcas pa gsan/ der khong chos bcag nas ser chags la byon pas cung zad ma gus/ lhag par rgyud 'di la rdzogs pa'i rim pa 'di min pa zhig 'ong thang snyam pa dang / dka' gnad mang po sus kyang dogs pa ma chod par yod pas shambha la rang du 'gro dgongs/ de la chos rje rgod tshang pa'i grwa pa rnams rkang sho rgod 'dug pas zla bo 'ong / sngar skor cig shog gsung ba yod snyam chos rje snye nam bde chen steng du bzhugs pa mjal/ rgod tshang pas sang gi nyi ma la las can gyi slob ma zhig 'ong ba yin gsungs/ mjal nas slob dpon jo btsun zhes dgyes dgyes mdzad/ der dpon slob 'phros la lo rgyus zhus pas/ ji 'dra ji 'dra la ma bde gsungs/ 'di lta bu la ma