[A:300a]lam du rgod tshang pa gshegs pa gzigs te slar slog chos rje rang rdo rje gling du byon/ rgod tshang pa'i nang rten gdan sa la sogs pa'i bca' bkod mdzad/ 'phrin las che bas phyis mnga' ris rgyal po 'khor bcas rab tu byung / rgya gar rdo rje gdan du byon/ rgyal po shing gtan can ra ma pA las sbyin bdag byas/ tshogs bdag dam la btags/ phyag rgya chen po dang kun rdzob byang chub sems zung 'jug gi rtogs pas phu grol mda' grol du song / de phyin spyan zur gyis gzigs pa tsam gyis kyang nad dang gdon las grol bar byed nus/ lha 'dre mi gsum zil gyis mnan/ mdo rgyud 'di mi mkhyen bya ba med/ khyad par rgya nag tu byon/ lam du karma pas bstan pa 'dzin rogs bcol rgya nag tu rgyal po hu pi li se chen han gyis spyan drangs pa bzhin byon/ lo gcig la phyir log dngos po khab tsam yang ma bsnams/ dgung lo bdun cu pa la gshegs/ bsnyen sgrub stsal ba'i slob ma rin po che mkhar chu ba/ karma pa rang byung rdo rje/ bla ma dbu ma ba/ mkhas btsun bsod nams 'od zer/ rtogs ldan zla ba sengge/ rtogs ldan g.yag mgo ba/ chos rje kun dga' don grub/ grub thob tsha chung ba/ shong rdo rje rgyal mtshan/ shong blo brtan sogs bsam gyis mi khyab pa gsungs la ngas rdo rje gsum gyi bsnyen sgrub 'di kha bshad na lung pa grub thob kyis 'gengs pa yin te/ 'brug pa'i zhen byas khrid chen brgyad po 'di rang bshad ces gsungs/ rtogs ldan zla seng pa ni grub chen pa'i gsung la 'dris pas zin bris phal cher khong gis btab/ de'i slob ma mching bu'i mkhan po byang chub sengge/ de'i slob ma 'phags mchog bsod nams dpal te/ dang por chos rje gangs pa la btugs/ khrid zhabs phal cher ma tshar ba la bla ma grongs/ mkhan chen byang chub sengge la btugs chu bar du bsgoms pas rtogs pa brnyes pa yin/ de la rgod phrug grags pa 'byung gnas/ de'i slob ma kha rag pa rgya mtsho dpal/ de'i slob ma kha rag grub chen bsod nams rgyal po/ de las rgyal dbang rjes gsan no/ /spyil dkar bas 'bri mtshams su ba ri spyil dkar btab/ 'od gsal 'khor yug tu mnga'/ sku tshe phal sgrub pa la bskyal ba yin// ne rings pa ni/ rgod tshang pa rang gis mjal ba pha grub pa zhig po'i dbon po yin/ rgod tshang pa la gdams