[A:297a]la skor ba bskor te u rgyan du tshogs kyi 'khor lo la 'gro ba yin gsungs/ nA ro pa'i phyi rten gsungs pa de ra lung gi mchod rten yin/ de bzhin bden pa grub thob u rgyan pas chos rje'i khrid gnyer mdzad pa na sgom ma dang grub chen bsres nas chos nyan par dbyes phye/ btsun pa stod/ btsun ma khyams smad du 'jog 'ga' zhig u tshugs kyis gong du 'tshangs pa brdungs pas/ u rgyan du bud med de dag cha lugs de kho na bzhin byung nas rdo char phab dbu chag slar rlung gis gsos pa yin no/ /dgung lo bdun cu la gshegs so/ /de la slob ma rtogs pa rang dang mnyam pa yang dgon pa/ zhe bcad rang dang mnyam pa spyil dkar ba/ mos gus rang dang mnyam pa ne rings pa bzhi/ gzhan phu ri ba/ ma bdun pa sogs bsam gyi mi khyab pa zhig byon pa'i/ yang dgon pa ni la stod lho lha gdong du/ sngags brgyud/ yab jo bsam/ yum chos mthong gi sras su 'khrungs/ gdung rus stong / phul dmar ba/ ko brag pa sa paN/ rje spyan snga ba/ drod chung ba sogs bsten/ khyad par rgod tshang pa sku drin che shos su 'dzin pas rjes 'jug rnams de'i lugs 'dzin/ mkhas pa dang grub par bod kyi mi gcig la kun mthun grub bo/ /de'i slob ma spyan snga rin ldan ding rir 'khrungs/ lha gdong na sprul pa'i sku bzhugs zhes gsan nas mos gus skyes/ dgung lo bcu gcig pa zhig gis phyag phyir byon/ de nas ma gshegs par spyan sngar bzhugs pas spyan snga zhes grags so/ /de'i slob ma zur phug pa rin chen dpal bzang / de'i slob ma chos rje 'ba' ra ba ste/ shangs kyi chab lung par dpon 'bum zhes pa'i sras su 'khrungs/ gzhon nu nas chos rje bla ma dam pa bsod nams rgyal mtshan pa'i gsol bya ba mdzad/ gsan pa'ang legs par mdzad/ de nas nges 'byung drag po 'khrungs nas chos la bros zur phug pa las dkar brgyud kyi gdam ngag gsan te bsgoms pas rtogs pa mchog tu gyur/ 'ba' ra brag tu don grub sdings btab/ de las slob brgyud kyis bod kun bkang / yang slob mon rtse ba zhes pa las mched nas 'brog dbus kong po sogs su dar/ dbus smyon kun dga' bzang po las kyang