[A:296a]sgrub pa lo gsum mdzad pa'i skabs shig chos rje ras pa de sa bcu pa'i byang chub sems dpa' yin snyam pa byung / de ma thag sems sangs rgyas su ngo sprod pa'i bla ma sa bcu par mthong ba khyod 'dra ba'i log lta can zhes rang la smad/ de nas bla ma la sangs rgyas kyi 'du shes 'bral ma myong / der shig nad thu ba dang 'gro yin 'gro yin la gnyid du 'gro/ snang ba sbrul gyis ltem gang ba byung bas sa nad kyi dogs pa byung / de nas stod dza landha ra'i bar du bskor/ der mkha' 'gro mas dngos su byin gyis brlabs/ de nas log tsa ri la byon/ der gnas nang gi sgom chen rnams kyi chas 'dren pa'i khur pa mdzad sku rgyab la sgal ba byung / rnag khrag zhabs rting du nar re 'dzag pa/ de dus sku lus nang nas nang khrol thams cad thon pa zhig rmis/ 'di mi ldog gam byas pas mi dkar po zhig nas brtson 'grus chung na ldog zer/ de ltar sgrib pa dag pho brang du sprul pa'i lha zhal nam 'dod gzigs/ der lo bzhugs mdzad/ skus nad kyi dogs pa der grol/ de nas yar byon/ sangs rgyas dbon gyis gsung nas/ da nga'i khrid gnyer la sdod gsung / stod du 'gro bar zhus pas/ 'o na de ltar gyis gsung / de nas shrI la byon bsgrub pa mdzad/ lhag par rgod tshang du bzhugs nas mi nga dang gcig bya khyod dang gnyis/ brag 'di dang gsum ming gcig tu ma song tshun mi sgrub ri zhes dam bcas te bsgrubs pas rgod tshang pa zhes mtshan thogs/ der zhig po byang dpal slebs/ sngar brag phug dog par yod pa la/ snang ba 'di tsho zang nge dang thal le rang du 'dug pa gsung gin gcod cing gshags pas yangs por song / zhig pos 'dir tshang mal bca' sa sogs dgos pa zhus pas slar cung zad cig brtsigs so/ /de nas grub thob kyi grags pa thon te/ bar 'brog rdor gling / steng 'gro/ gnya' nang bde chen stengs sogs su gtso bo sgrub pa/ seng bar la chos bshad/ de'ang khrid chen brgyad du mdzad/ skal ba dang ldan pa rnams rjes su bzung ba yin no/ /chos rje 'di'i sku 'khor na sgom ma bzhugs pa rnams ni tha mal pa skad yin par brdzus pa ma gtogs mkha' 'gro ma 'ba' zhig ste/ nga'i sgom ma sle thul can 'di rnams nyin mo nga la chos nyan/ nub mo nA ro pa'i phyi rten bkra shis sgo mang