[A:295a]gsum bzhugs/ thams cad kyi mig ltos byas mdzad/ de nas 'khor te ti se la skor cig byon/ de dus sa 'bri'i sa sna na bzhugs pa kun gyis zhabs tog phul phyin bsgrubs/ de nas 'khor te gdan sa mdzad nas 'phrin las rgya cher bskyangs pa'i slob ma rtogs ldan mgon po ye shes/ grub thob gser sgo ba/ khyi sgom chen po la sogs pa mkhas pa dang grub pa bsam gyis mi khyab/ de ltar khu dbon gnyis las brgyud pa smad 'brug ces bya/ gtos sa'i dreg pa tsam kun la grags/ phyis rong spang chen du 'khrungs pa'i gtsang chen chos kyi dbang phyug gis yom chos sdings sogs dwags kong lho rgyud sogs su dgon gnas du ma btab/ rgyal dbang rje la sbyor gtod zhus kyang de nyid ring por ma lon par gshegs nas/ sbrum pa la bde gzar gyis khag pa'i skabs su sbrum pas sprul sku zhwa dmar pa la sbyor gtod byas te chos brgyud de khar 'dug pa'i lugs so/ /rgod tshang pa ni 'khrungs sa lho la yag gi dol bu chung gi khrar/ yab chu chal mon grags/ yum zug mo dpal rgyan gnyis kyi sras su 'khrungs/ mtshan mgon po rdo rje/ sku phra mo'i dus bro pa'i lad mo mdzad pas pag shi don grub sengger grags/ der slob dpon zhang la 'grel chung / stong la dbu ma/ yu ba pa la spyod 'jug wa zha la lam rim gsan pas tshar res legs par mkhyen/ de'i tshe gtsang nas glu mkhan bzhi byung / de rnams kyis/ dgon pa ra lung gi chos rje rgya ras la/ /tshe 'di phyi gnyis kyi bde legs yod/ /dam pa'i lha chos shig byed na de ru gshegs/ /snying nas rang chos shig byed na de ru gshegs/ /zer thos pa'i mod la dad pa bcos min zhig skyes nas yab la zhus te byon/ chos rje mjal phyag rgya chen po'i sgom khyer thun gcig ma zhig gnang / bsgoms pas zhag bco brgyad la rtogs pa thun mong ma yin pa shar/ 'bri gung sogs bskor slar 'brug tu phebs/ chos rje sku bsnyung ba'i sku rim thun pa'i khrod du yod pas/ chos rje'i gsung nas thun pa ma gi'i gseb na bstan pa 'dzin pa'i skyes bu zhig yod pa yin gsungs/ gdam ngag chos rje dbon la bcad pas/ bla ma chos rje ras pa yin/ /drin can sangs rgyas dbon ras yin/ /gsungs/ de nas der bsnyen par rdzogs te/ lho brag mkhar chur sgrub pa lo gsum snyon kha dam la btags/ pho ma lha khab tu bla ma