[A:294a]bzhugs/ de dang 'go yul du dgon pa mang po btab/ de nas dkar po chos lung btab ste tshogs che tsa na khri tsam/ rgyun du nyis stong lhag pa 'dus te/ 'phrin las bar ba der bskyangs/ brgyad brgya tsam ri la bkye/ chos lung du 'dag sbyar la lnga brgya tsam bcug de lhag stong lhag pa zhig phyag phyir khrid de lho brag mon sogs su byon/ lha khang du gdan chags/ der gtsug lag khang gi so bran sogs mdzad de/ dpal sengge rir dben pa bsten nas bzhugs pa'i mthar dge slong bslab gtsang stong dang lnga brgya la dpal 'khor lo sdom pa'i dbang bskur/ de nas gang 'dod pa'i gdam ngag gnang 'phrin las mtha' ma bskyangs te dgung lo drug cu rtsa bzhi pa la zhi bar gshegs so/ /chos rje 'dis dgung lo bcu bdun pa la chos mdzad zer ba sogs rnam thar chen por lhad shor ba yin zer bas/ 'di ltar rnam thar rnying pa rang du byung bas 'thad do// de la slob ma 'jam dbyangs mgon po la sogs pa'i mkhas pa rnam gsum/ tsa ri ras chen sogs ras pa rnam gsum/ a lo shAkya gsum ste rnal 'byor rnam gsum sogs mtha' yas pa'i 'jam dbyangs mgon pos myang smad ku ring 'phrin las bskyangs/ gcod yul zab don thugs snying dang thabs lam rdo rje tshig 'byed kyang 'dis mdzad/ gsang mtshan don yod rdo rje zer ba yin/ phyis rgya nag ri bo rtse lnga la sku ma spangs par byon/ /sras kyi gtso bo tsa ri ras chen yin/ de 'khrungs sa gzhung dge rong stod sde'i grong smad/ yab rgya smyon pa 'bum zhes kha drag pa zhig dang / yum gcung bza' sgom ma zhes bya ba lo ras kyi lcam mo gnyis kyi sras su 'khrungs/ nor longs spyod bsam gyis mi khyab pa yod pa la yab snga mor 'das pa'i dge ba la btang / dgung lo dgu pa la chos rje lo ras la go mi'i dge bsnyen mdzad/ chos rje se mo do la gshegs dus/ bla ma spa ri ba'i sar sdod dge tshul bsgrubs/ slob gnyer gyis gsungs/ bcu gsum pa'i tshe chos rje jo mo gangs la byon pa thos nas phyag phyir byon nye gnas mdzad/ gdam ngag tshang bar gnang / skyor mo lung du byon nas bsnyen rdzogs bsgrubs/ chos rje gshegs rjes gdan sa mdzad dgos zhus kyang ma gnang ste/ spyan snga ston pa chos lung gi gdan sa la brdzangs/ bla ma bde gshegs lha khang du bkod/ dgung lo zhe drug pa la gnas mchog dpal gyi tsa rir byon lo