[A:293a]dag pa'i rtags bzang / der lo gsum bzhugs/ chos rje gshegs nas gnam mtsho phyug mo'i do la sgom bzhed/ de dus mtsho rul dar ma chags pa la nya pa gzhon nu zhig gis dang blangs byas/ de'i pho bo na re/ khyod las nga drag ste 'ong zer/ rdzings chung du de btang pas mtsho'i dkyil du slebs pa na rlung dmar 'khrugs/ de'i dbang gis rba klong longs nas/ nya pa na re ngas ma phyin pa drag byas te khyod ma nyan/ da 'chi ba min pa'i thabs med/ khyod rang thugs dam byed rgyu yod na mdzod zer kho mgo gos kyis gtums nas 'jums nyal song / der chos sku kun bzang ma zhes grags pa'i gsol 'debs de mdzad/ mos gus kyi gdung bas chos rje mngon sum du ko rdzings kyi kha na phebs/ bu 'jigs pa med do gsung ngo snyam pa zhig la lhags pa 'jam nyal/ do'i rtsa na phebs 'dug pas nya pa'ang yid ches/ der phye khur gcig la bgo bsha' mdzad de lo gnyis kyi gsol brgyags mdzad rtsis/ lo gcig song ba na dar chags/ phyi do'i sgom chen pa rnams kyis nan gyis spyan drangs do phyir byon/ slar nang du 'dab rtsis sgom chen gzhan 'ga' song zer nas ma byon par zhwa mo do la byon/ der nye gnas dge 'dun dar zhag shas bsdad nas 'gro rtsis la/ dar btsan thabs su zhig nas nang du lus/ der chas mang bar yod pa kho la gtad pas sri ma shes par 'dzad/ de dus chos rjes dar yong ltos gsungs/ gzhan mi snang snam bu brkyang ba 'dra zhig mthong / de la chos rjes sna drangs byon/ pha gi'i ru gseb tu phebs pa'i tshe/ khyed gang nas 'ongs zer/ nged zhwa mo do nas 'ongs byas pas mtsho rul nas sus bgrod rdzun yin zer/ dgong mo ri la phyugs 'tshor 'gro ba rnams log nas/ khong rnams na re/ de ring ru gseb tu btsun pa gnyis ma byung ngam/ de ring las ltad mo che ba 'ong ma myong zer/ ci yin/ zhwa mo do nas khong gnyis chu la ma bying bar 'byon pa mthong zer bas kun dad/ de nas jo mo gangs sogs su rgyun ring bar bzhugs/ u ri btab/ 'phrin las dang po der bskyangs/ gdam ngag gi gtso bo thub lnga la mdzad/ de nas ring zhig nas tshogs pa dmangs ri la bkye/ brgya lhag tsam shul 'dzin pa la bzhag dpon slob stong lhag tsam gyis gtsang du byon nas rdzong sgo gangs la