[A:28a]'dzin dang gnyis dus mnyam du btsas/ lo drug lon pa yab sras mjal ba'i tshe/ 'od srung stobs bcu pa la gtad de da ltar cho gas tshigs rim can nos la/ ston pa'i rim gro pa thos pa 'dzin pa'i mchog tu bsngags pa des bstan pa lo bzhi bcu lhag tsam bskyangs shing / de'i tshe dge slong zhig gis/ gang na lo brgya 'tsho ba ni/ /nges par chu la bya gag bzhin/ /chu la bya gag mthong ba ltar/ /bdag nyid gcig pu'i 'tsho ba dge /de kun dga' bos thos nas/ ston pas de skad ma gsungs kyi/ /gang na lo brgya 'tsho ba ni/ /nges par skye dang 'jig pa yin/ /gang zag gnyis la ston pa yi/ /sa 'dir sgrog par bshad pa ni/ /ma dad zhe sdang blo can dang / /dad la phyin ci log gyur pa'o/ /mdo sde log par bzung gyur pas/ /ba lang 'dam du song ba bzhin/ /de ni nye bar 'jig 'gyur te/ /rang gi 'chi blos blo med pa/ /thos pa mi shes 'bras bu med/ /log par shes pa dug dang 'dra/ /thos pa yang dag nyid shes pa/ /bral ba 'bras bu blo ldan yin/ /zhes byas so/ /des de'i mkhan po la smras pas/ kun dga' bo ni rgas gyur te/ /de yi dran pa'ang nyams par gyur/ /smras pa/ rgas pa dag gis gzir gyur pa/ /lus can de ni dran pa nyams/ /yang dag rjes su mi dran pa/ /de ni blo ni rgas pas non/ /de kun dga' bos thos nas/ de la smras na 'thab mor 'gyur/ /de'i mkhan po'i drung du bdag 'gro bar mi rigs pas mya ngan las 'da' bar bya'o snyam/ rnying pa dag ni sngar 'das te/ /gsar bu de dang bdag mi mthun/ /bdag nyid gcig pu bsam gtan pa/ /sgo nga las skyes bzhin du gnas/ /bdag gi grogs dang mdza' bo kun/ /sngon du 'das shing song bar gyur/ /ji ltar bsam gtan gnas dran pa/ /de 'dra'i bshes gnyen 'di na med/ /des sha na'i gos can la/ ston pas 'od srung la/ des kyang nga la bstan pa gtad do/ /nga yang 'da' bas bstan pa khyod kyis skyongs shig yul bcom brlag ri mu run dar/ tshong dpon gyi bu nA ta dang pha tas gtsug lag khang brtsigs nas sbyin bdag byed par lung bstan no/ /der spos tshong sbas pa'i bu nyer sbas rab tu byung la/ de la bstan pa gtod cig ces gdams/ ma skyes dgra la sbran te/ de dmag dang bcas pa skyel bar/ yangs pa can pa la lhas sbran pas dmag dang bcas pa