[A:288a]kho stod pa zhig gis zla re la phye bre do tsam re bskyal/ brgyags thes de kha la mdzad de lcags phur can du 'dag sbyar mdzad nas thugs dam la rtse gcig tu bzhugs pas/ khams 'dus pa zhig langs/ de je thu je thur song lo gsum du ma drag lo gsum pa'i nang du chos skyong mgon pos pha ri'i logs nas sgyogs rgyag lha mo nag mos lha 'dre'i dmag g.yos/ mi reng dmar pos mda' 'phen/ gzhan snang srid kyi lha ma srin sde brgyad tshogs te/ dmag gis bskor nas rgyob cig sod cig zer/ skabs re na ri shing nags tshal thabs cad bgad/ skabs re na 'gul khyom ldeg brag ri de nyil li li zhig 'gro/ res 'ga' thams cad mgo brnyan can du song nas mtshon cha 'phen pa sogs byung ste bar chad lam du khyer ba'i go cha sra bas ri btsugs pa bzhin du bzhugs pa'i mthar/ grub thob chen po dran pa'i gdung shugs drag po byung nas gsol ba btab pas mdun du dngos su byon nas byin gyis brlabs so snyam pa zhig la phyag rgya chen po'i rtogs pa nam mkha' la mdung bskor ba bzhin du song / bar chad de thams cad dngos grub kyi sna 'dren/ bdud rigs de thams cad dam la thogs nas chos skyong du song bas/ bar chad che dus der chos skyong yang dgra ru langs/ da lta bdud kyang dpal du shar gsung / ro snyoms kyi gter phyung / de tshe dgung lo so gcig pa'o/ /chos 'di phyis ha bo gangs su rlung jo yes sogs bdun la rten 'brel bsgrigs te bshad pa yin/ de nas dbus gtsang gnyis su byon/ kha rag shar gyi ri la bzhugs/ khyung btsun ma bka' 'bangs su bcug der mkha' 'gro ma sengge'i gdong pa can yong nas srod la tsa ri trar 'gro bar lan gsum bskul/ mkha' 'gro'i lung bstan nam bdud kyi bar chad gang yin mi shes dgongs ji snyam ma mdzad/ nam seng khar cung zad mnal du song / sad pa dang kha rag gi ri la nyi ma shar 'dug de'i nyi zer la grub thob chen po gzi brjid shin tu che ba zhig byon nas/ bu rgya ras ma 'dug sgom du song sogs gsungs te mi snang bar gyur/ der lo ro skal ldan sogs bzhi khrid 'bri gung du byon/ de nas khong rnams yul la slog rlung thun gcig bzung ste byon pas bod kha gsum du gnyos mgar chos gsum gnas sgo 'byed par 'gro ba dang 'dzom/ khong rnams na re khyod su yin par gar 'gro zer/ nga gling ras gsus po che'i bu rgya ras mig po che yin/ gnas