[A:289a]tsa ri la sgom du 'gro gsungs nas bsdebs te zhing skyong gis bsus nas ri pa la la byon/ yul stod sbal ba g.yu mtshor sbal pa g.yag shad tsam gyis lam bgags pas/ grogs gzhan rnams thabs ci drag la gya/ chos rje de'i steng du mchongs te brdzis/ de rdor gyur pa la zhabs kyi padmo 'dam la bkod pa lta bur a rdzog go rdzog byung / de nas cig car phur byon/ zhing skyong gi dbang mo rdo rje g.yu sgron dam la btags/ phyogs skyong las kyi gshin rjes dge bsnyen blangs/ slar g.yu mtshor byon pa sha skam du khong rnams dang 'grig de ring gi tshogs 'khor khyed gshoms zer/ rung byas zhing skyong gi ru ba la bslangs nas zas sna tshang sngar ming tsam yang ma thos pa mang po byung ste tshogs btang lhag ma spungs pas dkar rdog thang du grags/ de nas zhib mo khrag khrig tu phebs dus nyi ma'i dgung la sa rub skar ma khrag khrig byung nas grogs rnams kyi de res ma bgrod/ chos pa'i tshad rdo bor sa 'dug gsungs te byon pas lha mo re ma ti mjal/ de nas pho brang gi phyogs bzhi'i khri bzhi nas mkha' 'gro ma rnams la chos bshad khyad par pho brang chen por sprul pa'i lha zhal gzigs/ bcom ldan 'das rdo rje phag mos bstan pa bya rgod kyi nyin lam bco brgyad khyab pa dang / bcom ldan 'das 'khor lo sdom pas bskal pa bzang po 'di la mos par sangs rgya bar lung bstan/ de nas sindhu ra'i rgya mtshor chu sbur gyi tshul du rdol pa'i mkha' 'gro mas rang gi skra las btags pa'i mig ra phul/ mkha' 'gro ma gzhan rnams kyis rdo yur ba drangs sgrub phug ngo mtshar ba'ang phul/ de nas yul stod du log sdong po kha TsAM gyi drung du zla ba gsum skyil krung ma bshig par bzhugs/ sangs rgyas rabs bdun 'jal te rten 'brel gyi gdam ngag gsan/ de nas yar log pa'i lam du rab byung gcig dang rtogs ldan gcig bud med gcig ste bzhi mnyam du byung / rab byung de gzhan du song / der khong gsum las med nas/ bud med de 'chal gtam gu yangs su smra bas rten gyis lan dgongs bsnyen par rdzogs pa'i thugs 'dod cher yod pa'i gsal btab/ byang 'bri gung du byon/ skyob pa sku mtshams yod pas mjal kha ma byung / phyir log skyob pas dgongs nas zhwa bskur pa lam du 'phrod/ bla ma zhang gi rtsar byon/ bla ma zhang gis dgongs nas bsu ba rgyas pa mdzad/ de phan rten ras par yod pas dbu skra bsil/