[A:286a]shing gcig sku mdun gcig sku rgyab/ de glegs thag gis bsdams te nam mkha' la phar bzhud tshur bzhud mdzad de/ nga dam chos kyi po ti zhig tu mi 'dug gam sogs kyi mgur bzhengs pas/ thub pa'i dbang pos/ gling ras pa de lta bu'i khengs pa ma byed/ nga'ang mthar 'di ltar gyur gsungs mya ngan las 'da' ba'i tshul bstan nas zhi bar gyur/ thams cad kyis gus pas btud/ grub thob chen po zhes snyan grags kyi gdugs dkar po srid pa'i khongs thams cad gang bar gyur to/ /de nas gnyal lor dbus gtsang kun tu dad pa can spyan 'dren pa rnams kyi ngo bzhin byon/ zab pa dang rgya che ba'i chos kyi sgo rnam par phye bar mdzad/ lo ro tshe spong du lo ro zhig po gdan sar bkod/ rje rang dbus gtsang du gtso bor bzhugs/ skabs shig sna phur dbang bskur zhu ba'i mi 'ga' yod pa zhig la dbang g.yog la zhig po de yod na dgongs pa zhig byung ba/ kho lo ro dol gyi lha rtser yod pas shes nas 'phur te dbang bskur gyi grabs mdzad sar slebs/ khyod kyis ji ltar 'ongs gsungs/ ri mtho ba rnams la reg la khyad byas te 'phur nas 'ongs zhu'o/ /lnga pa ni bkra shis dge gling gi phug na bzhugs dus mkha' 'gro ma zhig byung nas/ gling ras pa der ma sdod zer/ phyir byon ma thag brag phug de rdib/ de nas 'jag spyil mdzad de sgang der bzhugs pa'i skabs/ mkha' 'gro ma lnga rang rtags kyi dbu rgyan re khyer nas grub thob chen po'i dbu la bskyon/ rdo rje 'chang chen po'i rgyal tshab tu mnga' gsol nas mi snang bar gyur to/ /de ltar drug cu rtsa gcig gi bar du bzhugs nas dbyar zla ra ba'i nyer brgyad la gshegs/ gdung rten la sogs pa legs par bsgrubs so// // ! de'i slob ma'i gtso bo ni/ chos kyi rje yin te/ de 'khrungs pa'i yul myang stod khu le'i cha/ yab rgya zur so tshab pe dang / yum mar bza' dar skyid/ sras bdun byung ba'i chung shos te pha ma 'brog pa yin la/ bskyas dang thug bying song yum gcig pur lus pa la gan logs zhes bya ba'i lhas su grod pa sgor mo zhig btsas pas/ yum dngangs te bor nas 'ongs pa jo jos rtsad bcad pas lo rgyus ji lta ba bshad/ de nyid du jo jos brgyugs phyin pas sbra shul na bya rgod gcig gis grod pa de sos nas rtol/ khye'u zhig 'dug khong byung ba dang bya rgod de 'phur song / de slob dpon lwa ba pa yin zhes grags so/ /de nas gzhon nu'i