[A:285a]ba yin zer/ de nas 'gro mgon rin po che chos khri khar bur ston zhig gi gral dbu la phebs 'dug pa la/ gral gsham nas thod pa bzed nas bu ram gyi rtsig pa lta bu/ bla ma'i gsol ras de la rgya phubs bkal ba lta bu zhig byung nas rten 'brel bzang / 'dir ma 'ongs pa na gtsug lag khang rgya phubs can zhig 'byung gsungs/ khyod lo bdun zla ba bdun zhag bdun du mtshams bcad de sgom par dam bcas nas zhag lnga la grol ba ci yin gsungs pas/ rje yi zhal nas gnyug ma'i don/ /sgoms shig gsungs nas bsgoms lags pas/ /bsgom bya sgom byed stor nas thal/ /sgom thun mtshams su bzung rgyu yang mi gda'o/ /sogs phul bas/ bla ma mnyes nas rgya gar chu bo ganggA phan chod la sa ra ha chen po rtogs pa mtho/ de tshun la khyod rtogs pa mtho ba yin gsungs bsngags pa brjod/ rje spyir rnal 'byor pa/ sgos chung ma can la mi mnyes kyang gling ras pa la lhag par mnyes/ der phag mo gru pas rten 'brel mdzad de jo mo slog de nas sna phu'i bkra shis dge gling gi phug par bzhugs/ phag mo grur chos brda' byung tsam nas de nas byon te chos gsan/ slar der zlog pa yin zhes u rgyan par gsungs/ bza' btung ci bzhes kyi phud kyis bla ma mchod pas/ 'gro mgon gyi drung na dge ba'i bshes gnyen 'ga' dang bcas te ja gsol ba'i zhal dkar du tshod ma zhig ling byung / ci yin zhus pas/ gling ras lkugs pa des tshod ma'i phud phul bar 'dug gsung dgyes/ gsum pa ni/ 'gro mgon gshegs nas 'gro don mdzad/ nor byung tshad cha lang chen po zhig la bcal te nam mkha' la 'khrol gyin byon te phag mo grur phul/ tshur log nas bsam yas su zhag sa mdzad pa'i tho rangs/ bud med sngon mo zhig gis bka' 'gyur ro cog gi glegs bam yin mno ba zhig ljags steng du bzhag byung ba khong du song ba rmis/ de nas bka' 'gyur thams cad thugs la chug bden rdzun lta ba la tshal du byon nas mnan shar mdzad pas phar zhu dag thub pa byung / /bzhi pa ni/ de nas mdo rgyud mthong tshad la don mi mkhyen pa med nas 'grel pa brtsam dgongs te/ bde dgyes mtshan brjod la sogs pa la 'grel pa brtsams pas sna phu'i mdo 'phrang po zho rar klog pa'i sde yod pa dag gis skur pa btab/ de gsan nas der byon te gang mi 'thad pa 'dug ces rtsod pas sus kyang lan 'debs ma nus/ de'i tshe thugs khengs pa skyes nas glegs