[A:282a]brlabs mdzad pas rtogs pa 'khrungs so/ /bcu dgu pa la 'bri gung du byon bsnyen par rdzogs/ sgrub pa mdzad pas sprul bsgyur nus/ rje spyan snga 'bri gung du bzhugs dgos byung bas dgung lo so gsum pa la thel gyi gdan sar 'bri gung nas bkod de brdzangs/ der g.yog rnams kyis mthong bkur cher ma byas pas/ rje la zhus pas tshes grangs 'di'i nyin ngas chos rar thog 'bebs/ khyod rang de chos gos kyis bzed la pho gsungs pa de bzhin byung / chos ra thams cad brgyal nas song / thog chos gos kyis gtums te gar 'bo gar 'bo gsung ba na'ang tshig sgra 'ur sgra 'byin/ mthar chos ra'i mthar bor bas shul mi bzad pa byung / des thams cad kyis grub thob tu shes nas gus pa rnyed/ de'i snyan pa gsan pas/ hor rgyal po jing gir han gyi bu thu bo hu la'i hu gnam the'i sprul pa yin/ 'brug sgra thos pa dang dngangs skrag bsam gyis mi khyab pa skyes pas rgya nag gi rgyal sa mi zin par 'dug ces sog yul du bskrad pa bsod nams che nas stod hor gyi yul thams cad kyi bdag byas/ kha che'ang kho'i 'og tu chug pa zhig yod pa des bla'i mchod gnas su bkur/ 'bul mo che lan gsum rgyab/ stod hor gyi yul du kha che'i bzo bos bsgrubs pa'i sku rigs thams cad 'di'i ring sangs rgyas kyi bstan pa la sri zhu chen po byas so/ /gzhan yang singga la/ ti ra hu ti/ bod ya tshe'i rgyal po kun gyis 'bul ba mang du byas te drug cu rtsa lnga la gshegs/ de'i gdan sar de nyid kyi dbon/ bcu gnyis pa rin chen rdo rje phebs te/ dbon brgyud rim par spyan snga mdzad/ sa skya nang 'khrugs nas bod bying la 'di'i dbon rigs kyis lung brgyugs pas/ lugs gnyis ka la phag mo gru pa zhes 'gran zla med pa 'di byung ngo // 'bri gung du skyob pa rang gi gdan sa dbon rin po ches mdzad/ de gshegs nas rje spyan sngas mdzad/ de rjes gcung rin po ches bskyangs pas 'bri gdan gnyis su gyes/ gnyos lha snang ba nas lha pa mched/ 'di'i nang du man lung gu ru'ang byung ba yin/ sa skya pa dbang che ba'i dus na'ang 'bri gung pa lung 'og tu ma tshud pas sa 'bri stod smad thams cad du 'thab/ phyis ang len gyis rgya'i dmag bos nas 'bri gung gling log btang / cung zad las ma gnod pa ding sang bar du dar rgyas dpe med pa 'dis shes