[A:283a]so// dbon sher 'byung skyob pa'i rus dbon/ skyob pa'i spyan sngar bzhugs pa'i tshe/ bla ma'i zhabs tog dang mkhyen pa la mtha' med pas thams cad kyis slob dpon pa zhes zer/ skyob pa gshegs nas ti se/ lho brag mkhar chu sogs su byon/ mkhar chur khyad chos brgya dang dgu bcu pa dgongs gcig tu grags pa yi ger btab/ de nyid du brgya lnga bcur bsdu ba mdzad/ dwags su byon sgam po'i spyan snga'ang mdzad do/ /de ltar 'bri gung pa dar ba'i sgang la thams cad khong gi khongs su gtogs pa 'dra zhig yod skad do/ /rtogs pa mthar phyin gling ras pa ni/ 'khrungs yul myang stod bzhengs kyi glang po snar/ gling stod smad gnyis las gling smad pa/ yab rgyal po skyab be/ yum gzus mo dar chung gi sras su 'khrungs/ mtshan padma rdo rje/ gzhon nu nas bris klog mkhas par mkhyen/ brgyad la lha rje ras sman las sman bslabs/ bcu gsum lon tshe mkhas par gyur/ bcu bdun pa la khu bo dge ba'i bshes gnyen gling zhes pa bka' gdams pa chen po de la dge bsnyen mdzad/ dpal dbyangs kyi sgron ma rnam drug sogs mang du gsan/ dbus pa zhang bya ba rwa dang dpyal gnyis ka'i slob ma zhig la phag mo dang / rwa 'bum seng la dus 'khor/ bde mchog 'jigs byed sogs rwa ba'i skor zhib mo gsan/ rje dpon zhig dang rabs chad la ma 'cham pas mthu mdzad pas de brlag mthu che bar grags/ de nas dge bshes 'om thang pa la rab tu byung / bsod snyoms la byon pas jo mo sman mos brid de tshugs ma zin/ gnyis po bsdongs nas khyung tshang pa rwa lo'i mchod gnas mdzad pa bsten/ khong gis ras chung ba ma mjal ba 'dra bsam log lta zhig skyes pas/ phyis drod skye ba la gnod par byung gsungs/ de nas ras chung pa'i dngos slob gnyal lo ro na mang du bzhugs zer ba gsan nas gnyal lor du byon/ tshe gong du rje sum pa la nged thag ring nas chos zhur 'ongs pa yin pas thugs la gdags par zhu byas pas/ thog mar lo la dbang chos zhus/ de nas nga mtshams grol yong gsung ba bzhin/ lo'i spyan sdar byon/ de nas sum pa/ gzhan byes 'gol ba la'ang gtugs te/ rje ras chung pa'i gdam ngag thams cad kha tshang bar thob pas/ da lta 'dzam bu'i gling na gdams pa nga rang che snyam pa byung / de nas lho mon du sgom du 'gro bsam pa la/ mnal lam du mi