[A:281a]de bzhin de'i ring la gdan sa shin tu dar rgyas che/ lo nyi shu rtsa drug bzhugs/ de nas 'bri gung du dbon rin po che zhi bar gshegs pa'i ma legs skyel du byon dus gcung rin po che 'bri gung gling pa sogs kyi gdan sar bzhugs dgos pa'i zhu ba phul ba ma bzhes/ tha ma stag lung pa dang bka' gdams pa sogs la rgya 'dre mi byed pa'i rtsis bzung nas lo nyi shu rtsa gnyis mdzad/ der bzhugs pa'i lo bdun pa la hor dmag 'dam du sleb pa'i 'ur byung / 'bri gung gi dge 'dun rnams bros par rtsom pa'i tshe/ 'jigs mi dgos gsungs cag ge bzhugs/ de'ang thog mar hor gyi dmag dpon mi li byi byung / sku mthong ba tsam gyis pha dang bu'i 'du shes skyes te phyis 'bul ba skyel bar khas blangs/ de nas zhag nyer brgyad la dor rtas dmag dpon byas nas slebs byung / khos sgom pa shAkya rin chen gyi lag pa nas bzung nas khrid pas nam mkha' nas rdo'i char pa bab/ kho na re 'di ci yin zer/ khyod kyis ngam bu'i sgom pa bzungs pas ngam bu ma dgyes/ ngam bu ma dgyes pas gnam ma dgyes te rdo char byung ba yin gsungs/ 'dis ci byed pa yin/ ngam bu so nam ni mi byed/ gzhan gyi 'bul ba byung ba rnams 'di'i lag tu gtad nas dge 'dun skyong ba yin gsungs pas sgom pa btang gnod pa med par byas so/ /de ltar thams cad ting nge 'dzin gyi dbang du mdzad pas 'bri gung gi sde'ang cher 'phel/ ban khri tsho bco brgyad 'tshog ces grags pa'ang de dus byung / chos rje sa skya paNDYi tas rje btsun pa gshegs pa'i gral dbur spyan 'dren mdzad pa'i zhu yig tu'ang / da lta khyod las bzang ba'i dge ba'i bshes gnyen mi 'dug pas zhes bsngags pa yin/ de'i tshe gcung rin po che la zhen 'then pa 'ga' zhig gis ma gus pa'i rnam 'gyur bstan pas nga 'gro ba yin gsungs ma zad kyi thad du sgar mdzad/ de gcung rin po ches mtshams kyi khul nas gzigs nas har 'don mdzad bzhugs par zhus pas ma gnang / gcung gis da 'o na khyod rgya gar yul na sku khams bzang 'dug zer na'ang de bar du nga gdan sar la snom ri byas nas dbu snyung phul bas/ 'o na da gzu ba dgus phul na'ang mi 'gro gsung / dgung lo brgyad cu rtsa gcig pa la gshegs pa yin no/ /bu slob kyang rgyal ba rin po che/ gcung rin po che/ rgyal ba yang dgon pa sogs mang po byung ngo / /rgyal ba rin po che ni rje spyan snga'i dbon/ dgung lo bcu drug pa la dbus su phebs/ rje spyan sngas byin